Cwmni o ymgynghorwyr dylunio a chanolfan ymchwil rhyngwladol arobryn yw PDR, ac fe’i sefydlwyd yng Nghaerdydd ym 1994. Trwy gyfuno gwaith dylunio a pheirianneg hollol fodern â gwaith ymchwil pwrpasol, mae’r cwmni’n helpu sefydliadau ym mhedwar ban y byd i ddatblygu cynnyrch, systemau a phrofiadau ar draws sawl sector, gan gynnwys gofal iechyd, trafnidiaeth a gwasanaethau cyhoeddus.  

 Sefydlwyd Frontier Medical Group yn Nhredegar ym 1990, ac mae’n arweinydd rhyngwladol ym maes gofal briwiau pwyso. Mae’r cwmni’n dylunio ac yn cynhyrchu dyfeisiau meddygol arloesol i atal a thrin briwiau pwyso - anafiadau sy’n cael eu hachosi gan bwysedd estynedig ar y croen sy’n gallu achosi cymhlethdodau difrifol i gleifion.Mae Repose®, sef prif gynnyrch y cwmni, wedi cael ei ddefnyddio i drin dros dair miliwn o gleifion ar draws y byd, ac wedi ei ategu gan dros 20 mlynedd o ddata clinigol. 

 Wedi'i sefydlu yn 2012, mae cwmni TrakCel o Gaerdydd yn cynnig meddalwedd ddigidol i reoli, ac olrhain samplau cleifion a gesglir ar gyfer treialon clinigol a therapïau celloedd a genynnau.Mae eu meddalwedd, OCELLOS, yn helpu i gydlynu therapïau celloedd a genynnau sydd yn gallu achub bywydau wrth drin ystod eang o ganserau a chyflyrau awto-imiwn.  Gyda’r meddalwedd hwn gall y sefydliadau yn y gadwyn gyflenwi fonitro’r therapiau mewn amser real. 

 Wedi'i sefydlu ym 1999, mae Bee Robotics o Gwynedd yn adnabyddus trwy’r byd am arwain y ffordd wrth ddatrys anghenion awtomeiddio labordai meddygol modern.

Efallai bod Cymdeithas Bêl-droed Cymru (yr FAW) yn cael ei chydnabod am ei llwyddiant diweddar yn cymhwyso ar gyfer pencampwriaethau mawr ond mae hefyd yn prysur gael ei hadnabod yn rhyngwladol am ei chymwysterau hyfforddi. 

Mae cwmni Dulas o Fachynlleth yn datblygu ac yn gweithredu atebion ynni adnewyddadwy i gynorthwyo cymunedau yn rhai o ardaloedd mwyaf gwledig y byd.

Mae Concrete Canvas, cwmni gweithgynhyrchu o Bont-y-clun, yn cynhyrchu ffabrig concrit hyblyg sy’n cael ei ddefnyddio mewn prosiectau adeiladu a pheirianneg sifil ar draws y byd.  

Platfform bwcio i logi ceir yw’r cwmni technoleg ariannol, Finalrentals ym Mhenarth. Mae’r dechnoleg yn caniatáu i ddefnyddwyr chwilio am brisiau llogi ceir gan amrywiaeth o gwmnïau mewn lleoliad penodol, a’u cymharu.

Mae Aforza, y cwmni meddalwedd ddigidol o Gaerdydd, yn arbenigo mewn atebion ar sail y cwmwl ar gyfer diwydiannau nwyddau i ddefnyddwyr.

 Mae Celtic English Academy, ysgol iaith Saesneg yng Nghaerdydd, wedi gwneud enw rhyngwladol iddi hi hun ers iddi ddechrau addysgu myfyrwyr rhyngwladol 20 mlynedd yn ôl. Erbyn hyn mae'r cwmni'n darparu gwasanaethau ar gyfer dros 1,300 o ddysgwyr y flwyddyn o dros 50 o wledydd gan gynnwys Saudi Arabia, yr Eidal, Sbaen a Japan.