Camau cyntaf?

Mae allforio yn gallu talu ar ei ganfed os byddwch yn buddsoddi mewn gwaith paratoi a chynllunio cadarn.

Dyma rai o’r cwestiynau y dylech eu hystyried cyn cychwyn ar eich taith allforio:

• Ydy fy musnes yn barod i wasanaethu marchnad fwy?
• I ba farchnad y dylwn i roi sylw yn gyntaf? 
• Oes gen i adnoddau yn eu lle i gefnogi fy nghynlluniau allforio? 
• Ydy’r cynnyrch neu’r gwasanaethau yn barod ar gyfer y marchnadoedd dan sylw? 
• Ydy’r wybodaeth ymarferol angenrheidiol gen i i fynd i mewn i farchnadoedd newydd? 
• Ble alla i ddysgu am forgludiant, rheoliadau rhyngwladol, trethi a chyfreithiau mewnforio... a phopeth arall y mae angen i fi ei wybod?

Datblygu eich gwybodaeth allforio

I'ch helpu i baratoi, mae gennym sawl offeryn ar eich cyfer:

• Export Hub - cael mynediad i filoedd o dudalennau ar archwilio marchnadoedd, dod o hyd i gleientiaid, gwirio rhwystrau a rheoli llwythi.
• Hyfforddiant allforio ar-lein - dysgu'r hanfodion gyda'r tri chwrs cryno hyn.
• Canllawiau allforio - o ddechrau arni hyd at gael eich talu.
• Recordiadau gweminar - yn cynnwys canllawiau a chyngor, diweddariadau am y farchnad a phynciau sy'n canolbwyntio ar y sector.

Cymorth pwrpasol

Gallwn hefyd weithio gyda chi ar sail un i un i'ch helpu i ddod o hyd i'r atebion i'r cwestiynau uchod a mwy.  Mae'r cymorth wedi'i deilwra'n arbennig i ddiwallu eich anghenion penodol a gall gynnwys y meysydd canlynol:

• Strategaeth allforio
• Dewis y farchnad
• Diffinio eich llwybr i'r farchnad 
• Canllawiau ariannol 
• Gweithdrefnau, rheoliadau a logisteg allforio