Cofrestriad ymweliad

Rhowch grynodeb o gefndir eich cwmni a’ch cynnyrch/gwasanaeth. Gall gwybodaeth a roddwch am eich cwmni, eich cynnyrch/gwasanaeth a’ch amcanion ymddangos yn y deunydd marchnata a gaiff ei ddefnyddio i hyrwyddo’r ymweliad â’r farchnad ac/neu at ddibenion eraill. Gwnewch yn siŵr bod eich crynodeb wedi’i deilwra i’r farchnad rydych chi’n ymweld â hi a cheisiwch beidio â defnyddio byrfoddau. Gall rheolwr yr ymweliad gysylltu â chi am ragor o fanylion.

Ar gyfer rhai digwyddiadau, rydym yn hyrwyddo'r ymweliad a'r cwmnïau sy'n cymryd rhan ar ein gwefan, yn y wasg yng Nghymru ac yn y Farchnad. Cadarnhewch a ydych yn hapus i ni gynnwys eich cwmni yn y gweithgaredd hwn.

I sicrhau eich bod yn manteisio i’r eithaf ar eich cyfnod yn y farchnad, mae’n hanfodol eich bod wedi paratoi’n drylwyr ymlaen llaw. Os oes angen cymorth arnoch, gall Cynghorydd Masnach Ryngwladol (ITA) Llywodraeth Cymru eich helpu i baratoi ar gyfer eich ymweliad.

Os yw'r manylion cyswllt yn wahanol i’r cynrychiolwyr ar y daith, rhowch fanylion y person y dylem anfon yr holl ohebiaeth ato yn ymwneud â'r daith hon.

Darllenwch y datganiadau isod a thiciwch y blychau i gadarnhau eich bod wedi darllen a chytuno i’r telerau. 

Caiff yr wybodaeth a ddarparwyd gennych ar y ffurflen ar-lein ei defnyddio at ddibenion trefnu a chadarnhau eich taith yn unig. Caiff yr wybodaeth hon ei hanfon at ein Cwmni Teithio penodedig sy’n rheoli’r trefniadau teithio. Caiff yr wybodaeth ei storio’n electronig a chaiff ei defnyddio at ddibenion y prosiect hwn yn unig. Caiff ei chadw yn unol â pholisi Llywodraeth Cymru ar reoli gwybodaeth.

SYLWER:

Caiff yr wybodaeth a gesglir ei rhannu ag asiantaethau atal twyll a fydd yn ei defnyddio i fynd i’r afael â thwyll a gwyngalchu arian yn ogystal â gwirio manylion adnabod. Ceir rhagor o fanylion am sut caiff eich gwybodaeth ei defnyddio gennym ni a gan asiantaethau atal twyll yn yr hysbysiad preifatrwydd isod.

Bydd Llywodraeth Cymru yn defnyddio’r wybodaeth a ddarparwyd gennych i brosesu’r cais hwn. Rhaid i ni gasglu'r wybodaeth hon er mwyn cydymffurfio â’n rhwymedigaethau cyfreithiol o dan y cynlluniau. Petaech chi'n methu darparu’r holl wybodaeth angenrheidiol, gallai hynny olygu nad ydym yn gallu gwneud asesiad llawn o’r cais. Rydym yn nodi cyfnod cadw’r data yn yr hysbysiad preifatrwydd sydd ynghlwm, yn ogystal â’ch hawliau o dan y Rheoliad Cyffredinol ar Ddiogelu Data.

https://www.gov.wales/docs/caecd/publications/180516-privacy-notice-cy.pdf

 

Ni fydd Llywodraeth Cymru a/neu’r Cwmni Teithio penodedig yn gyfrifol am y canlynol:

Unrhyw gostau ychwanegol a ysgwyddir sy'n gysylltiedig ag aildrefnu amser neu ddyddiad eich tocynnau teithio a/neu lety. Os yw'r cwmni hedfan, oherwydd i chi gyrraedd yn hwyr, neu os ydych, yn eu barn hwy yn peri unrhyw fath o risg diogelwch, yn gwrthod caniatáu ichi fynd ar yr awyren.  

Unrhyw gostau a ysgwyddir o ganlyniad i chi fod yn hwyr ar gyfer y trosglwyddiadau a drefnwyd o'ch llety i'r maes awyr. 

Talu am unrhyw gostau y gallech fod wedi'u hysgwyddo o ran cyfleusterau ychwanegol yn ystod eich arhosiad. Chi sy'n gyfrifol am dalu’ch bil gwesty cyn i chi adael. 

Sicrhewch fod gennych yswiriant teithio ac yswiriant meddygol dilys ar gyfer eich taith/teithiau. Dewch â'r cerdyn neu'r dogfennau gyda chi.

Sicrhewch eich bod wedi cael y pasbort a'r ddogfen mynediad angenrheidiol i fodloni gofynion y wlad rydych chi'n teithio iddi. Edrychwch ar y Cyngor Teithio Tramor am ragor o wybodaeth.  

Eich cyfrifoldeb chi yw cyrraedd mewn da bryd ar gyfer cofrestru yn y maes awyr ymadael.