Hoffai Llywodraeth Cymru wahodd eich cwmni i arddangos gyda ni neu fynychu fel ymwelydd yn arddangosfa MRO Europe.
Pam MRO Europe?
MRO Europe yw'r prif ddigwyddiad yn y rhanbarth ar gyfer yr ôl-farchnad Hedfan Masnachol ac mae’n cyfuno cynhadledd lefel uwch ac arddangosfa ryngwladol.
Mae dros 450+ o ddarparwyr datrysiadau yn arddangos yn y sioe, gan ddenu dros 9000 o fynychwyr sy'n cynrychioli cwmnïau hedfan, leswyr, sefydliadau cynnal a chadw, atgyweirio ac adfer (MROs), gweithgynhyrchwyr cyfarpar gwreiddiol (OEMs), cyflenwyr ac arbenigwyr o’r diwydiant.
Pam mynd?
Bydd yr ymweliad hwn yn creu cyfle i chi gyflwyno eich cwmni, meithrin cysylltiadau defnyddiol a chynyddu eich allforion yn y sector hwn.
Trwy gymryd rhan yn yr ymweliad hwn byddwch yn elwa ar y canlynol:
• Dull cost effeithiol o ymweld â’r farchnad
• Rhwydweithio ac ymwneud â busnesau allweddol a phobl sy’n gwneud penderfyniadau yn y farchnad
• Rhannu gwybodaeth a dealltwriaeth gyda chyfranogwyr eraill
• Cymorth â threfniadau teithio drwy asiant teithio penodedig
• Cyfle i fynychu digwyddiadau rhwydweithio
• Cewch eich cynnwys mewn unrhyw ddeunydd marchnata
Y Gost
Mae Llywodraeth Cymru yn darparu cymorth* i gwmnïau i gymryd rhan yn MRO Europe. Ar gyfer y digwyddiad hwn, gallwch gymryd rhan un ai fel arddangoswr neu fel ymwelydd:
Arddangoswr
Mae’r gost yn £2,700. Mae hyn yn cynnwys:
• Lle ar stondin Cymru
• Hedfan allan ac yn ôl
• Llety am 3 noson gyda brecwast
• Mynd i ddigwyddiadau o fewn y farchnad, yn cynnwys digwyddiadau rhwydweithio i fusnesau
• Cael eich cynnwys mewn unrhyw ddeunydd marchnata
Mae’r cynnig hwn ar gael i ddau gynrychiolydd o bob cwmni.
Ymwelydd
Mae'r gost yn £750. Mae hyn yn cynnwys:
• Hedfan allan ac yn ôl
• Llety am 3 noson gyda brecwast
• Mynediad i’r sioe fasnach
• Cael eich cynnwys mewn unrhyw ddeunydd marchnata
• Mynediad i le cyfarfod ar stondin Cymru
• Mynd i ddigwyddiadau o fewn y farchnad, yn cynnwys digwyddiadau rhwydweithio i fusnesau
Mae’r cynnig hwn ar gael i un cynrychiolydd o bob cwmni.
Manylion y Digwyddiad
Pryd – 28 – 29 Hydref 2026
Sectorau – Hedfan
Ble – Amsterdam, yr Iseldiroedd
Yr Amserlen
27 Hydref – Gadael am Amsterdam
28-29 Hydref – MRO Europe / Cyfle i gwmnïau drefnu eu cyfarfodydd eu hunain / dilyn rhaglen o gyfarfodydd wedi’u trefnu ymlaen llaw
30 Hydref – Dychwelyd i Gymru
Gwasanaeth Trefnu Cyfarfodydd
Os hoffech wneud y gorau o'ch amser yn y digwyddiad, gallwn gynnig cymorth i drefnu rhaglen o 3-4 o gyfarfodydd i chi gan un o'n hymgynghorwyr busnes. Mae'r gwasanaeth hwn ar gael o £500.
Sylwch, os hoffech y gefnogaeth hon, yna rhaid i chi gyflwyno eich cais 10 wythnos cyn i ymweliad y farchnad allforio neu'r arddangosfa ymadael.
Os cyflwynir eich cais ar ôl 12 Awst 2026 yna ni allwn warantu bod digon o amser i ddarparu'r cymorth ychwanegol hwn yn effeithiol.
Y dyddiad cau ar gyfer ceisiadau yw 12 Awst 2026 (Teithio a chyfarfodydd wedi’u trefnu ymlaen llaw)
Codir TAW ar brisiau.
*Yn amodol ar fod yn gymwys.