Hoffai Llywodraeth Cymru wahodd eich cwmni i arddangos gyda ni yn Arddangosfa Niwclear y Byd 2020, Villepinte, Paris o 30 Tachwedd hyd 2 Rhagfyr 2021.
Pam yr arddangosfa hon?
Arddangosfa Niwclear y Byd yw’r sioe fasnach fwyaf ar gyfer y sector niwclear, ac mae’n denu dros 730 o arddangoswyr o 65 o wledydd, sy’n amrywio o sefydliadau byd-eang blaengar i gwmnïau bach. Mae dros 23,000 o bobl yn ymweld â’r sioe ac mae’n cynnig cyfleoedd allforio da i fusnesau Cymreig.
Pam mynychu?
Bydd yr ymweliad hwn yn creu cyfle i chi gyflwyno eich cwmni, meithrin cysylltiadau defnyddiol a chynyddu eich allforion yn y sector hwn.
Trwy gymryd rhan yn yr ymweliad hwn byddwch yn elwa ar y canlynol:
- Dull cost effeithiol o ymweld â’r canlynol.
- Rhwydweithio ac ymwneud â busnesau allweddol a phobl sy’n gwneud penderfyniadau o fewn y farchnad
- Rhannu gwybodaeth a dealltwriaeth gyda chyfranogwyr eraill
- Cymorth â threfniadau teithio drwy asiant teithio penodedig
- Cyfle i fynychu digwyddiadau rhwydweithio
- Cewch eich cynnwys mewn unrhyw ddeunyddiau marchnata
Y Gost
Mae Llywodraeth Cymru yn cefnogi* cwmnïau i gymryd rhan yn yr ymweliad hwn â marchnad allforio. Gallwch fynychu’r digwyddiad hwn fel arddangosydd neu ymwelydd:
Y gost i arddangos fydd oddeutu £1,700.00 ar gyfer gofod cydarddangos ar Bafiliwn Cymru neu oddeutu £600.00 ar gyfer ymweld yn unig. **
- Teithiau awyr dwy ffordd a chludiant o’r maes awyr ac yn ôl yno
- Llety am 3/4 noson (yn cynnwys brecwast)
- Tocyn arddangos am 3 diwrnod
- Gofod arddangos a chofrestru i arddangos
Mae’r cynnig hwn ar gael i ddau gynrychiolydd y bob cwmni.
** Bydd y costau’n dibynnu ar nifer yr arddangoswyr.
Y dyddiad cau ar gyfer cyflwyno ceisiadau fydd yn 15 Hydref 2021
* Yn amodol ar gymhwystra.
Dim ond nifer cyfyngedig o becynnau sydd ar gael ar gyfer yr arddangosfa hon: cofrestrwch yn gynnar rhag ichi gael eich siomi. Sylwer: oherwydd COVID-19 a chyfyngiadau teithio, gallai'r arddangosfa hon gael ei newid neu ei chanslo ar fyr rybudd. Dim ond yn amodol ar reoliadau diweddaraf Lywodraeth Cymru ac ar y cyfyngiadau yn y farchnad hon y caniateir teithio.