Cyllid a Datblygu Busnes
Cyllid
Gall Llywodraeth Cymru a sefydliadau sy'n bartneriaid ddarparu cymorth amrywiol i unigolion, busnesau a chymunedau sydd â diddordeb buddsoddi mewn gweithgareddau morol a physgodfeydd yng Nghymru.
Rydym yn cynnig cymorth amrywiol o gymorth grant i ddatblygu masnach a busnes. Mae Cymru yn lleoliad delfrydol i fuddsoddi, gyda chefnogaeth i ddatblygu eich busnes a'ch syniadau.
Cynllun Grant Rheoli Rhwydwaith Ardaloedd Morol Gwarchodedig
Mae ein moroedd yn gartref i rai o'r cynefinoedd a'r bywyd gwyllt mwyaf amrywiol yn Ewrop.
Rydym wedi ymrwymo i sicrhau bod ein moroedd:
- lân
- iach
- diogel
- cynhyrchiol, a
- bioamrywiol
Mae Ardaloedd Morol Gwarchodedig (MPA) yn ffordd bwysig o warchod rhywogaethau a chynefinoedd. Maen nhw hefyd yn ein helpu i sicrhau Statws Amgylcheddol Da i'n dyfroedd, trwy Strategaeth Forol y DU.
Rydym yn cydweithio â sefydliadau a mudiadau i helpu Cymru i sicrhau bod ganddi rwydwaith o Ardaloedd Morol Gwarchodedig sy'n cael eu rheoli'n dda. Mae ein Cynllun Grant Rheoli'r Rhwydwaith yn ein helpu yn hyn o beth.
Mae pob Awdurdod Rheoli, corff â diddordeb a mudiad trydydd sector yng Nghymru yn cael gwneud cais i Gynllun Grant Rheoli'r Rhwydwaith.
Mae'r cynllun yn cwmpasu prosiectau refeniw sy'n sicrhau manteision neu welliannau i rwydwaith Ardaloedd Morol Gwarchodedig Cymru neu'n ein helpu i ddeall yn well sut mae eu rheoli.
Mae'r cynllun ar agor o 5 Mai i 30 Mehefin 2025.
Gallwch ddod o hyd i Gynllun Grant Rheoli Rhwydwaith Ardaloedd Gwarchodedig: canllawiau (ar llyw.Cymru).
Mae'r ffurflen i wneud cais i Gynllun Grant Rheoli Rhwydwaith Ardaloedd Gwarchodedig ar gael ar llyw.Cymru.
Cyllid arall
Mae'n bosibl derbyn rhagor o wybodaeth am gyllid busnes a chymorth grant drwy'r dolenni canlynol:
Swyddfa Cyllid Ewropeaidd Cymru
Cronfa'r Môr a Physgodfeydd Ewrop
Cynllun Datblygu Gwledig Cymru
Datblygu a Chysylltu â Busnesau
Boed yn chwilio am gymorth i hyrwyddo eich cynnyrch neu eich busnes, neu i gael mynediad at wybodaeth am y farchnad, mae Llywodraeth Cymru yn rhoi amrywiol gymorth drwy amrywiol ddulliau. Mae'r dolenni canlynol yn rhoi gwybodaeth am y prif ddulliau o roi cymorth:
Cymorth sy'n gysylltiedig â physgodfeydd
Arloesi gyda bwyd môr a datblygu cynnyrch
Cymorth a Chyngor Cyffredinol ar gyfer Busnesau