Os ydych chi'n lansio busnes ac angen tyfu'n gyflym, fel cyflogi staff neu sicrhau adeilad, dyma sut i symud ymlaen yn hyderus a chymryd y camau ymarferol nesaf.
Pan fyddwch chi wedi symud heibio'r cam syniad ac yn dechrau ennill momentwm, yr her nesaf yw darganfod sut i ddatblygu eich busnes yn gynaliadwy. Efallai y byddwch chi'n meddwl am gyflogi staff, dod o hyd i adeiladau, gwella eich systemau, sicrhau cyllid, neu adeiladu sylfaen cwsmeriaid gryfach.
Mae'r dudalen hon yn dwyn ynghyd y cymorth a all eich helpu i ddatblygu eich sylfeini a symud i dwf cynnar gydag eglurder.
5 peth i feddwl amdanynt wrth ichi ddechrau tyfu
- Beth ddylech chi ganolbwyntio arno yn gyntaf?
Gallai fod yn werthiannau, gweithrediadau, cyllid, neu'ch gallu fel sylfaenydd. - Pa systemau a phrosesau sydd eu hangen arnoch chi?
Gall gwelliannau bach nawr arbed amser, arian a straen yn nes ymlaen. - Ydych chi'n barod i ddod â phobl i mewn?
P'un a ydych chi'n cyflogi staff neu'n gweithio gyda gweithwyr llawrydd, gall cael cymorth eich helpu i dyfu'n gynaliadwy. - A oes angen cyllid neu fuddsoddiad arnoch i gymryd y cam nesaf?
Mae twf yn aml yn gofyn am fuddsoddiad a gallwn eich helpu i archwilio'r hyn sydd ar gael. - Sut fyddwch chi'n adeiladu gwelededd hirdymor?
Mae marchnata, partneriaethau a phrofiad cwsmeriaid i gyd yn chwarae rhan mewn twf cynaliadwy.
Sut y gall Busnes Cymru helpu?
Gall tyfu busnes fod yn gyffrous ac yn frawychus, ond nid oes rhaid i chi wneud hynny ar eich pen eich hun.
Gall Busnes Cymru ddarparu:
- Cymorth 1:1 gan gynghorydd i'ch helpu i flaenoriaethu eich camau nesaf
- Canllawiau cyllid ar gyfer cyflogi, adeiladau, offer a datblygu
- Gweithdai ar farchnata, sgiliau digidol, cynllunio ariannol a rheoli staff
- Cymorth gyda thendrau a chontractau, os ydych chi'n awyddus i weithio gyda chleientiaid mwy
- Cyngor arbenigol ar gynaliadwyedd, cydraddoldeb a gwytnwch busnes
- Cysylltiadau â rhwydweithiau sector a all eich helpu i dyfu'n fwy hyderus
Ein rôl yw eich helpu i adeiladu sylfeini cadarn fel y gall eich busnes ddechrau a thyfu yn y ffordd rydych chi ei eisiau.
Straeon go iawn gan bobl a ddatblygodd eu busnes
Troi angerdd yn fenter Troi angerdd yn fenter: Sut y tyfodd Michael Coggan Petit Four Patisserie gyda chymorth Busnes Cymru
Busnes llesiant newydd wedi'i siapio o syniad personol y mae galw cynyddol amdano Busnes Sawnas newydd yn poethi ym Mhorthcawl gyda chymorth Busnes Cymru
Diswyddiad wedi arwain at ddechrau busnes digwyddiadau a marchnata y mae galw mawr amdano Yn y farchnad am i lwyddo diolch i Busnes Cymru
Eich cam nesaf
Ble bynnag rydych chi am fynd â'ch busnes, gallwn eich helpu i lunio'r daith:
- Dechrau arni
Cyflwynwch ymholiad i roi gwybod inni pa gymorth rydych chi'n chwilio amdano. - Cofrestru
Rhowch ychydig o fanylion amdanoch chi a'r busnes rydych chi'n edrych i'w brynu i'n helpu i deilwra canllawiau ac adnoddau i chi. - Ymuno â gweithdy
Defnyddiwch ein cyfrif Gwasanaeth Cymorth Ar-lein Busnes (BOSS) 24/7 i archebu gweithdai ar-lein fel "Dechrau a rhedeg eich busnes eich hun?" a "Rheoli eich cyllid a'ch treth ar gyfer cwmnïau cyfyngedig". - Siarad â chynghorydd Busnes Cymru
Cael arweiniad personol ar yr hyn sydd ei angen ar eich busnes nawr. - Archwilio opsiynau cyllido
Darganfod pa gymorth sydd ar gael ar gyfer twf.
Adeiladu'r sgiliau a'r hyder sydd eu hangen arnoch ar gyfer y cam nesaf.
Mae tyfu busnes yn gam mawr ac rydyn ni yma i'ch helpu chi i'w adeiladu eich ffordd chi.
Entrepreneuriaeth a Dechrau Busnes
Cofrestrwch heddiw i ddarganfod sut y gallwn gefnogi eich taith i gychwyn busnes newydd.
Gwasanaethau a Phynciau Poblogaidd
Yn darparu canllawiau cynhwysfawr ac ymarferol i'ch helpu i ddechrau ac i redeg eich busnes
Canfod Cyllid Defnyddiwch ein Canfyddwr Cyllid i i ganfod opsiynau cyllid sy'n berthnasol i'ch busnes
Mae cynllunio beth rydych chi am ei wneud yn eich busnes yn rhan bwysig o wneud yn siŵr bod eich busnes yn llwyddo.
Pan fyddwch chi'n dechrau busnes, gall ymchwil marchnad eich helpu i weld pa mor ymarferol yw'ch syniad busnes a'i siapio er mwyn ichi gael y siawns orau o lwyddo.
Yn darparu arweiniad a rhai opsiynau i'ch helpu i ddatblygu syniad busnes.
Dyma'r lle i gael cyngor ar sut mae defnyddio mwy o Gymraeg yn dy fusnes neu elusen a chyfieithiadau hefyd.