Mae Deallusrwydd Artiffisial (AI) yn trawsnewid y ffordd y mae busnesau ledled Cymru yn arloesi, cystadlu ac yn tyfu.
O helpu busnesau newydd i fabwysiadu offer digidol i helpu cwmnïau sefydledig i symlhau gweithrediadau, mae AI yn cynnig ffyrdd ymarferol o wella cynhyrchiant, gwella gwneud penderfyniadau, a datgloi cyfleoedd newydd.
I gefnogi busnesau i ddeall a mabwysiadu AI gyda hyder, mae Busnes Cymru wedi datblygu ac yn darparu rhaglen ymwybyddiaeth a mabwysiadu AI ar gyfer microfusnesau a busnesau bach a chanolig (BBaCh). Diddordeb mewn dysgu mwy am ddeallusrwydd artiffisial (AI)? Mae Busnes Cymru yn cynnal amrywiaeth o weminarau a digwyddiadau, cliciwch ar y ddolen yma Digwyddiadur Busnes Cymru i gofrestru ac i wybod mwy.
Mae’r cymorth hwn wedi’i gynllunio i helpu busnesau i feithrin hyder, adnabod achosion defnydd ymarferol, a chymryd y camau cyntaf gwybodus tuag at fabwysiadu AI yn gyfrifol. Byddwn yn gallu rhannu mwy o wybodaeth yn fuan am y sesiynau codi ymwybyddiaeth a sut i gofrestru.
Cadwch lygad ar y dudalen hon, neu cofrestrwch ar gyfer ein cylchlythyr i dderbyn y manylion diweddaraf.
I gael Canllawiau ar gadw'n ddiogel ar-lein a diogelu eich data, cliciwch ar y ddolen ganlynol: Cyngor a Chymorth Seiberddiogelwch | Busnes Cymru
Cefnogaeth ar gael ar hyn o bryd:
Defnyddio AI yn Eich Busnes (modiwl e-ddysgu). Bydd y cwrs hwn yn eich helpu i ddeall manteision a risgiau defnyddio AI, a sut i’w ddefnyddio’n ddiogel ar gyfer busnes.
Rydym wedi cyflwyno cynllun peilot newydd o fewn y rhaglen i gefnogi hyfforddiant AI er mwyn helpu busnesau ym mhob sector yng Nghymru i gael gwell dealltwriaeth o AI a meithrin sgiliau ymarferol.
Ymunwch â’n gweithdai wyneb yn wyneb ledled Cymru i ddysgu ffyrdd ymarferol syml i chi ddefnyddio offer AI i greu cynnwys, cysylltu â chwsmeriaid, cryfhau eich presenoldeb ar-lein a helpu i droi ymholiadau'n archebion.
Beth yw AI?
Mae dealltwriaeth AI yn efelychu dealltwriaeth dynol mewn peiriannau. Mae’n eu galluogi i ddysgu, datrys problemau, canfod gwybodaeth a gwneud penderfyniadau yn seiliedig ar ddadansoddi data.
Mae technolegau deallusrwydd artiffisial yn hynod bwerus ac o bosibl yn drawsnewidiol, ond maent hefyd yn golygu risgiau. Dyna pam ei bod yn bwysig ein bod yn deall y technolegau hyn yn well, gan gynnwys eu cyfyngiadau, fel eu bod yn cael eu defnyddio yn y ffyrdd cywir.
Adnoddau a dolenni defnyddiol:
- AI Cymru: Creu Cymru fwy Clyfar, Teg a Ffyniannus - LLYW.CYMRU
- Guidelines for secure AI system development - NCSC.GOV.UK
- Use AI to drive your business’ growth – Business Academy – business.gov.uk
- ICO tech futures: Agentic AI - ICO
- Guidance on AI and data protection - ICO
- Offer cynhyrchedd Deallusrwydd Artiffisial y dylai pob arweinydd busnes wybod amdanynt | Busnes Cymru
- Small Business Britain's AI Hub - Champion. Inspire. Accelerate.
- Cyngor a Chymorth Seiberddiogelwch - Busnes Cymru
- Getting more from digital tools and AI - Enterprise Nation
- AI Skills Hub - AI Skills Hub
- BridgeAI - Innovate UK Business Connect
- Ail Barth Deallusrwydd Artiffisial (AI) i Gymru wedi’i gyhoeddi | Busnes Cymru