Bydd y Parth AI ar gyfer De Cymru yn cynnwys safleoedd ar hyd coridor yr M4 o Gasnewydd i Ben-y-bont ar Ogwr. Bydd buddsoddiad o £10 biliwn yn arwain at o leiaf 5,000 o swyddi newydd dros y degawd nesaf, o swyddi adeiladu i yrfaoedd mewn ymchwil a datblygu AI.
Bydd yr ardal hefyd yn derbyn hyd at £5 miliwn mewn cymorth gan Lywodraeth y DU i hybu busnesau i fabwysiadu ac i ddatblygu sgiliau mewn AI. Mae’r cwmnïau technoleg, gan gynnwys Vantage Data Centers, wedi ymrwymo i weithio gyda phrifysgolion ledled De Cymru i hybu sgiliau yn y maes.
Mae Parth Twf AI ar gyfer Gogledd Cymru eisoes wedi’i gyhoeddi, gyda’r safle yn croesi’r Fenai, gan ganolbwyntio’n benodol ar Prosperity Parc ger Caergybi a pharc diwydiannol newydd yn Nhrawsfynydd. Disgwylir i’r parth hwnnw greu mwy na 3,400 o swyddi newydd.
Am ragor o wybodaeth, ewch i’r ddolen ganlynol: AI to power national renewal as government announces billions of additional investment and new plans to boost UK businesses, jobs and innovation - GOV.UK.