Y Rhaglen Sgiliau Hyblyg

Mae'r Rhaglen Sgiliau Hyblyg yn fenter a ariennir gan Lywodraeth Cymru sy'n cefnogi busnesau ledled Cymru i fuddsoddi ynddyn nhw eu hunain a meithrin gweithlu cryfach a mwy medrus.

Gall cyflogwyr wneud cais am gyllid i dalu am 50% o'r costau hyfforddi achrededig, a gall bob cais ofyn am hyd at £50,000 o gyfraniad. Nid oes isafswm terfyn cyllid a gellir gwneud sawl cais yn ystod y flwyddyn.

P’un ichi fod yn chwilio am lenwi bylchau sgiliau, cadw staff, neu ddenu talent newydd, gall y Rhaglen Sgiliau Hyblyg eich helpu i fuddsoddi yn nyfodol eich tîm.

Rydym wedi cyflwyno cynllun peilot newydd o fewn y rhaglen i gefnogi hyfforddiant AI er mwyn helpu busnesau ym mhob sector yng Nghymru i gael gwell dealltwriaeth o AI ac adeiladu arbenigedd mewn meysydd fel achosion defnydd, dysgu peiriannau, gwyddor data, a moeseg AI. 

Mae'r gefnogaeth hon yn sicrhau bod eich gweithlu yn barod i fanteisio ar AI ar gyfer arloesi a thwf. Ar gyfer y cynllun peilot hwn bydd Llywodraeth Cymru yn darparu cyfraniad o 75% at gostau hyfforddi – i ofyn am ffurflenni cais cysylltwch â dfesrm@llyw.cymru.

Mae cyllid ar gael i gyflogwyr yn y mwyafrif llethol o ddiwydiannau ledled Cymru. Er mwyn bod yn gymwys, rhaid i'ch busnes fod wedi'i leoli yng Nghymru, rhaid iddo fod yn ddiddyled, a rhaid i chi ymrwymo i ryddhau staff i gwblhau'r hyfforddiant dan sylw erbyn diwedd mis Mawrth 2026. 

Does dim unrhyw ofyniad i ddefnyddio cwmni hyfforddi penodol – gall yr ymgeisydd ddewis unrhyw ddarparwr hyfforddiant ardystiedig – ond rhaid i unrhyw hyfforddiant â chymorth o dan y rhaglen hon fod naill ai wedi'i achredu neu fod o safon diwydiant cydnabyddedig.

Dalier sylw: Rhoddir y cyllid yn ôl disgresiwn a chan Lywodraeth Cymru fydd y penderfyniad terfynol ynghylch cymhwysedd. 

Mae gwneud cais yn syml. Dyma ganllawiau cam wrth gam ar sut i wneud hynny.

1. Cyflwyno Datganiad o Ddiddordeb: Gall busnesau gyflwyno ffurflen gychwynnol ar wefan Busnes Cymru, gyda'r opsiwn o gymorth gan Reolwr Perthynas. Cwblhewch y ffurflen Datganiad o Ddiddordeb heddiw.
2. Gwirio Cymhwystra Bydd Llywodraeth Cymru yn adolygu'r Datganiad o Ddiddordeb i sicrhau bod y busnes yn bodloni'r meini prawf.
3. Cyflwyno cais Os yw'n gais cymwys, gwahoddir busnesau i gyflwyno ffurflen gais fanwl.
4. Cymeradwyo: Bydd ymgeiswyr llwyddiannus yn cael llythyr dyfarnu grant sy'n nodi telerau'r cynnig cyllid.  Bydd penderfyniadau fel arfer yn cael eu gwneud o fewn 10 diwrnod gwaith.
5. Cyllid: Bydd 50% o'r costau hyfforddi cymeradwy yn cael eu had-dalu i'r ymgeisydd ar ôl cwblhau'r cyrsiau.
    

Dalier Sylw: Nid yw cwblhau Datganiad o Ddiddordeb yn sicrhau cyllid. Mae pob cais yn cael ei brofi ar sail y meini prawf cymhwysedd a'r arian sydd ar gael. Os nad ydych chi'n gymwys, byddwn yn eich cysylltu â chi i drafod opsiynau cymorth eraill.

Bydd pob cwrs hyfforddi cymeradwy yn denu cyfraniad o 50% tuag at gyfanswm y costau cymwys gan Lywodraeth Cymru.

Gwneir y taliad mewn ôl-daliadau yn amodol ar ddarparu tystiolaeth angenrheidiol o’r canlynol:

• cadarnhad bod yr unigolion wedi mynychu’r cwrs yn llawn a/neu wedi’i gwblhau, a
• thystiolaeth o gostau'r darparwr hyfforddiant a'r taliad a wnaed.

Gellir gwneud sawl cais i'r Rhaglen Sgiliau Hyblyg yn ystod y flwyddyn.

Mae'r Rhaglen Sgiliau Hyblyg wedi'i strwythuro o amgylch 8 sector blaenoriaeth / thema fusnes:

• Sgiliau AI (peilot yn rhedeg tan ddiwedd Mawrth 2026)
• Sgiliau Sero Net
• Sgiliau Coedwigaeth a’r Cadwyn Cyflenwi Pren
• Sgiliau Digidol
• Sgiliau Allforio
• Hyfforddiant Peirianneg a Gweithgynhyrchu
• Sgiliau a Hyfforddiat y Sector Creadigol
• Sgiliau Twristiaeth a Lletygarwch
• Sgiliau Arwain a Rheoli

Gall cwmnïau wneud cais am gymorth o bob rhan o'r gwahanol sectorau fel rhan o un cais.

Mae rhagor o wybodaeth am bob un o'r sectorau / themâu blaenoriaeth, gan gynnwys enghreifftiau o'r meysydd hyfforddiant a gymeradwywyd ymlaen llaw ym mhob un ohonynt i'w gweld isod.

Sgiliau Digidol ac Deallusrwydd Artiffisial (AI)

Mae’r rhaglen hon wedi’i chynllunio i ddarparu cymorth ariannol i fusnesau sydd wedi’u lleoli yng Nghymru sydd eisiau uwchsgilio eu gweithlu mewn sgiliau digidol a deallusrwydd artiffisial (AI) uwch. Mae’n fwy tebygol y bydd y rhaglen yn addas i gwmnïau sy’n gweithredu yn y sectorau digidol neu dechnoleg, er bod ceisiadau yn cael eu croesawu gan fusnesau mewn unrhyw sector ac o unrhyw ran o Gymru.

Mae arian ar gael i gefnogi gweithwyr busnesau sydd wedi’u lleoli yng Nghymru i fynychu cyrsiau hyfforddiant sydd wedi’u canolbwyntio ar dechnoleg, digidol, neu AI. Gall hyn gynnwys hyfforddiant wyneb yn wyneb neu ar-lein.

Mae’r tabl canlynol yn rhestru’r meysydd hyfforddiant y gellir eu cefnogi o dan y cynllun: