Cymraeg Yn Eich Busnes

Mae gan Lywodraeth Cymru darged i gyrraedd miliwn o siaradwyr Cymraeg erbyn 2050 drwy Cymraeg 2050. Gall busnesau chwarae eu rhan i gyrraedd y targed hwn a hefyd elwa o ddefnyddio'r iaith.

Mae llawer o resymau da i chi ddefnyddio'r Gymraeg yn eich busnes, a beth bynnag yw maint eich menter, mae mwy o gymorth ar gael nag erioed o'r blaen i'ch helpu.

Pam defnyddio’r Gymraeg yn eich busnes neu elusen?

Mae cannoedd o fusnesau yn gweld buddion o ddefnyddio’r Gymraeg o ddydd i ddydd. Mae’n creu cysylltiadau cryfach â chwsmeriaid, defnyddwyr gwasanaeth, a’r gymuned, ac yn rhoi mantais gystadleuol i chi.

Does dim rhaid mynd ati i wneud popeth yn Gymraeg yn syth. Mae’n hawdd cymryd camau bychain i ddatblygu yn syth. Mae’r pecyn yma’n dangos sut i gychwyn eich taith i ddatblygu’r Gymraeg, a’r cymorth sydd ar gael gan wahanol sefydliadau i’ch helpu. 

Dyma ychydig o fanteision allweddol:

• Perthynas gryfach gyda’ch cwsmeriaid a defnyddwyr gwasanaeth
  Mae siarad â phobl yn eu hiaith eu hunain yn ffordd o adeiladu perthynas gryfach. Mae siaradwyr Cymraeg yn gwerthfawrogi sefydliadau sy’n defnyddio’r iaith ac yn fwy parod i’w cefnogi.
• Ehangu eich cyrhaeddiad
  Mae cynnig gwasanaethau Cymraeg agor drysau i gynulleidfa newydd, yn lleol ac yn genedlaethol.
• Gwella delwedd eich brand
  Mae defnyddio’r Gymraeg yn gwneud i’ch brand sefyll allan ac yn ennill enw da ymhlith cwsmeriaid a phartneriaid.
• Mwy o gysylltiad â’r gymuned
  Mae’r Gymraeg yn rhan annatod o fywyd cymunedol yng Nghymru. Mae ei defnyddio’n dangos parch at ddiwylliant lleol ac yn creu cysylltiadau.
• Denu a chadw gweithwyr
  Mae gweithle sy’n croesawu’r Gymraeg yn fwy deniadol i siaradwyr Cymraeg ac yn creu amgylchedd gwaith cynhwysol.

Darllenwch fwy isod am gymorth arall sydd ar gael:

Dilynwch ni yn Gymraeg ar Twitter, Facebook ac Instagram.  Cofrestrwch yma os hoffech dderbyn ein cylchlythyr busnes wythnosol.