Galwadau agored i sefydliadau i wneud ceisiadau am gyllid a chefnogaeth rhyngwladol.
Cyfle Peilot Ystwyth UNITE
Beth yw rhaglen UNITE
Mae UNITE yn rhaglen pan-Ewropeaidd fawr sy'n anelu at hyrwyddo atebion iechyd digidol trwy ddod â rhanddeiliaid allweddol at ei gilydd ar draws gwahanol ranbarthau Ewropeaidd.
Er mwyn hyrwyddo ei chenhadaeth a chyflawni ei hamcanion, mae'r fenter UNITE yn defnyddio Rhaglen Beilot Ystwyth i gaffael arbrofion tymor byr, byd go iawn ar draws rhanbarthau UNITE.
Beth yw’r Rhaglen Beilot Ystwyth
Mae'r rhaglen yn galluogi busnesau newydd, busnesau graddio, a sefydliadau ymchwil ac arloesi eraill yn rhanbarthau UNITE i ddilysu atebion iechyd digidol sy'n cyd-fynd â phedair Her Arloesi UNITE:
- Arloesiadau technoleg ddwfn i sicrhau iechyd cyfartal i'r boblogaeth gyfan
- Datrysiadau Digidol sy'n hyrwyddo gofal o bell mwy personol a dynol-ganolog
- Hyrwyddo Gofodau Data Iechyd Ewropeaidd
- Arloesi digidol i frwydro yn erbyn argyfwng y gweithlu iechyd
Pwy all wneud cais
Nod y Rhaglen Beilot Ystwyth yw cael cynigion gwasanaeth peilot gan gyflenwyr yn rhanbarthau UNITE, gan gynnwys busnesau newydd, BBaChau, a sefydliadau ymchwil ac arloesi eraill, sydd â thechnolegau profedig ac sy'n barod i addasu a dilysu eu datrysiadau mewn cyfleusterau arbrofi dynodedig.
Dylai'r cynlluniau peilot arfaethedig bara rhwng 1-3 wythnos.
Rhaid i bob peilot gynnwys:
- Cynllunio ac addasu'r ateb i anghenion lleol
- Gweithredu mewn Labordy Byw rhanbarthol dynodedig neu wely prawf*
- Mesur ac adrodd, gan gynnwys Adroddiad Peilot terfynol sy'n manylu ar ganlyniadau a gwersi a ddysgwyd.
- Cydymffurfio â diogelu data, diogelwch gwybodaeth, a safonau moesegol, wedi'i gefnogi gan yr holl ddogfennaeth ofynnol.
*Rhaid i bob cais peilot nodi'r Labordy Byw neu Wely Prawf rhanbarthol arfaethedig, gan gynnwys y rhanbarth lle mae'r safle a ddewiswyd wedi'i leoli.
Pam cymryd rhan?
- Profwch eich datrysiad mewn amgylchedd go iawn
- Casglu adborth gwerthfawr gan ddefnyddwyr a rhanddeiliaid
- Creu tystiolaeth i gefnogi mabwysiadu yn y dyfodol
- Adeiladu perthnasoedd â phartneriaid gofal iechyd ac arloesi Ewropeaidd
- Cynyddu gwelededd eich arloesedd trwy ecosystem UNITE
Dyddiadau Allweddol
Cyfle yn agor - 23 Tachwedd 2026
Sesiwn Wybodaeth - 23 Tachwedd 2026 - gwybodaeth bellach i'w rhannu'n fuan.
Dyddiad cau cyflwyno cais - 11 Rhagfyr 2026
Penderfyniadau a Hysbysiadau - 18 Rhagfyr 2026
Gweithgaredd Peilot wedi'i gwblhau - 31 Ionawr 2027
Adroddiadau terfynol wedi'u cwblhau - 12 Chwefror 2027
Mwy o wybodaeth
Mae ein tîm Arloesi yma i'ch helpu i archwilio a yw UNITE yn iawn i'ch sefydliad.
Cysylltwch â thîm Arloesi Llywodraeth Cymru i gyflwyno eich cais.
-----------------------------------------------------------------------------------------------------------------------------
Mae Ail Galwad Agored UNITE bellach ar agor.
Mae UNITE yn rhaglen a gyd-ariennir gan Horizon Europe sy'n dod â rhanbarthau ledled Ewrop ynghyd i adeiladu ecosystem arloesi iechyd digidol heb ffiniau. Gall sefydliadau yng Nghymru gydweithio â phartneriaid Ewropeaidd i ddatblygu, profi a graddio atebion iechyd digidol arloesol sy'n mynd i'r afael â heriau gofal iechyd go iawn.
Mae'r alwad ar agor rhwng 10 Medi 2026 a 10 Rhagfyr 2026, gyda phrosiectau llwyddiannus yn rhedeg o 1 Ebrill 2027 i 30 Medi 2028. Mae cyfanswm cyllideb o €6 miliwn ar gael ar gyfer yr alwad, gyda chyllid o hyd at €1miliwn fesul prosiect.
Bydd angen i brosiectau llwyddiannus ddatblygu atebion sy'n cefnogi:
- Arloesiadau technoleg ddwfn i sicrhau iechyd cyfartal i'r boblogaeth gyfan
- Arloesi digidol i fynd i'r afael ag argyfwng y gweithlu iechyd
Darganfyddwch fwy am yr Alwad, gan gynnwys meini prawf cymhwysedd a'r cymorth sydd ar gael i ymgeiswyr, drwy wylio ein Gweminar UNITE.
Gallwch hefyd ymweld â gwefan UNITE i ddysgu mwy am y rhaglen a chysylltu â phartneriaid prosiect posibl drwy Lwyfan Paru UNITE.
------------------------------------------------------------------------------------------------------------------------------
Gwahodd Ceisiadau am Gyllid Vinnovate 2026
Mae galwad VInnovate 2026 bellach ar gau i geisiadau newydd. Y dyddiad cau ar gyfer cyflwyno cynigion llawn yw 10 Hydref 2026, am 23:59 CET.
Mae VInnovate 2026 yn fodel cyllido a gefnogir gan Fenter Vanguard, sy'n rhaglen gydweithredol sy'n cefnogi moderneiddio ac arloesi diwydiannol trwy gydweithrediad traws-ranbarthol a arweinir gan ddiwydiant.
Darganfyddwch fwy am yr Alwad, gan gynnwys gweld meini prawf cymhwysedd.
Bydd angen i brosiectau llwyddiannus ddatblygu atebion a fydd yn cefnogi:
- diwydiant craffach - integreiddio technolegau digidol i ddiwydiannau er mwyn creu cyfleoedd newydd a gwella'r rhai presennol
- diwydiant mwy cynaliadwy - y symudiad tuag at ddiwydiant niwtral i'r hinsawdd
- diwydiant mwy ymreolaethol - lleihau'r ddibyniaeth ar ranbarthau eraill ar gyfer arloesiadau technoleg dwfn
Dysgwch fwy am Alwad Agored VInnovate a chyfleoedd eraill ar gyfer cydweithio rhyngwladol drwy wylio ein Gweminar Cyfleoedd Cydweithio Rhyngwladol yma.