Mae Gwobrau'r Brenin ar gyfer Menter yn cael eu cyflwyno ar gyfer cyflawniad rhagorol gan fusnesau'r DU yn y categorïau canlynol:
- sylfaenydd ifanc
- arloesedd
- masnach ryngwladol
- datblygu cynaliadwy
- hyrwyddo cyfleoedd drwy symudedd cymdeithasol
Os byddwch chi'n ennill, byddwch chi’n:
- cael eich gwahodd i dderbyniad Brenhinol
- derbyn y wobr yn eich cwmni gan un o gynrychiolwyr y Brenin, sef Arglwydd Raglaw
- gallu chwifio baner Gwobrau'r Brenin yn eich prif swyddfa, a defnyddio'r arwyddlun ar eich deunyddiau marchnata (er enghraifft ar eich deunydd pacio, hysbysebion, deunydd ysgrifennu a gwefan)
- derbyn Grant Penodi (tystysgrif swyddogol) a thlws coffaol.
Mae'r gwobrau'n ddilys am 5 mlynedd.
Mae sefydliadau a dderbyniodd wobr wedi dweud eu bod wedi elwa o:
- gydnabyddiaeth fyd-eang
- mwy o werth masnachol
- mynediad at farchnadoedd allforio ehangach
- mwy o sylw yn y wasg
- hwb i ysbryd staff
Gallwch nawr wneud cais am wobrau 2027 tan ddydd Mawrth 8 Medi 2026.
I gael mwy o wybodaeth ac i wneud cais, cliciwch ar y ddolen ganlynol: The King's Awards for Enterprise: About the awards - GOV.UK.