Yr Awdurdod Gweithredol Iechyd a Diogelwch (HSE) yw rheolydd cenedlaethol Prydain ar gyfer iechyd a diogelwch yn y gweithle, cymerwch olwg ar y diweddariadau.
Straen sy'n gysylltiedig â gwaith: gweminar rhad ac am ddim a fideo newydd
Mae'r weminar 'Straen sy'n gysylltiedig â gwaith a sut i'w reoli' i helpu gweithleoedd i reoli straen sy'n gysylltiedig â gwaith yn llwyddiannus a bydd yn gorffen gyda sesiwn holi ac ateb byw. Cofrestrwch ar gyfer y weminar a gynhelir ar 12 Awst 2026 rhwng 2.30pm a 3.30pm.
Mae ymgyrch Working Minds yr Awdurdod Gweithredol Iechyd a Diogelwch yn helpu cyflogwyr i atal straen sy'n gysylltiedig â gwaith a chefnogi iechyd meddwl da yn y gwaith. Fel rhan o'r ymgyrch mae fideo newydd wedi'i greu sy'n tynnu sylw at sut y gall gweithredu cynnar a sgyrsiau syml helpu i leihau'r risg o straen sy'n gysylltiedig â gwaith. Gwyliwch y fideo: Prevent stress before it starts.
Poster cyfraith iechyd a diogelwch: yr hyn sydd angen i chi ei wybod
Mae'r poster yn esbonio deddfau iechyd a diogelwch wrth restru'r hyn y dylai cyflogwyr a'u gweithwyr ei wneud. Os ydych chi'n cyflogi unrhyw un, rhaid i chi naill ai arddangos y poster cyfraith iechyd a diogelwch lle gall eich gweithwyr ei ddarllen yn hawdd neu roi’r daflen gyfatebol ar gyfraith iechyd a diogelwch i bob gweithiwr.
Hanfodion iechyd a diogelwch ar gyfer eich busnes
Mae'r gyfraith yn dweud bod yn rhaid i bob busnes gael polisi ar gyfer rheoli iechyd a diogelwch. Darganfyddwch beth yw polisi a sut mae'n eich helpu i reoli iechyd a diogelwch: Health and safety basics for your business.
Mae’r Awdurdod Gweithredol Iechyd a Diogelwch wedi diweddaru ei ganllawiau ar gyfer y diwydiant adloniant a hamdden
Mae eu canllawiau ar gyfer y diwydiant adloniant a hamdden wedi'u diweddaru i'w gwneud hi'n haws amddiffyn pobl a lleoedd yn y sector hwn. I ddarganfod sut y gall y canllawiau eich helpu i gadw'ch busnes neu'ch sefydliad yn ddiogel a chydymffurfio â'r gyfraith, ewch i'w tudalennau gwe ar y diwydiant adloniant a hamdden (Saesneg yn unig).