Mae Cyllid a Thollau EF (CThEF) wedi addo mwy na £11 miliwn i gefnogi cwsmeriaid sydd angen help ychwanegol, wrth iddo lansio rownd ddiweddaraf ei Gynllun Cyllido Grantiau yn y Sector Gwirfoddol a Chymunedol.
Gall sefydliadau'r sector gwirfoddol a chymunedol gyflwyno cynigion i ddarparu cyngor a chymorth arbenigol i gwsmeriaid CThEF a allai fod angen help ychwanegol gyda'u materion treth, rhyngweithio â'i wasanaethau digidol, sy'n parhau i ehangu, neu hawlio hawliau.
Rhaid i sefydliadau sy'n gwneud cais am y cyllid ddangos eu bod yn gallu darparu cymorth annibynnol wedi'i deilwra i gwsmeriaid a allai brofi rhwystrau, gan gynnwys y rhai:
- a allai wynebu anawsterau o ran deall eu rhwymedigaethau treth
- a allai fod ag anghenion cymhleth
- sydd wedi’u hallgáu'n ddigidol rhag manteisio ar wasanaethau CThEF
Dyddiad cau ar gyfer gwneud cais: 3 Gorffennaf 2026 11.59pm.
Am fwy o wybodaeth am y Cynllun Cyllido Grantiau yn y Sector Gwirfoddol a Chymunedol, cymhwysedd ac i wneud cais, ewch i GOV.UK.