Nod ymgyrch 'Bwyd mwy diogel, busnes gwell' yr Asiantaeth Safonau Bwyd (ASB) yw cefnogi busnesau bwyd gydag adnoddau hawdd eu cyrchu, am ddim i'w helpu i gynnal arferion hylendid a diogelwch bwyd da, gan wneud bywyd ychydig yn haws i fusnesau.
Mae pedwar cam allweddol y mae'r ASB yn gofyn i fusnesau eu cymryd i sicrhau diogelwch bwyd:
- Edrychwch ar yr hyfforddiant ar-lein am ddim, sy'n cynnwys hyfforddiant ar alergedd bwyd.
- Lawrlwythwch y pecyn Bwyd Mwy Diogel, Busnes Gwell i ddeall eich cyfrifoldebau ynghylch gweithdrefnau rheoli diogelwch bwyd.
- Byddwch yn fwy parod ar gyfer digwyddiadau diogelwch bwyd trwy gofrestru ar gyfer newyddion, rhybuddion ac adalwadau bwyd fel bod eich busnes yn barod i amddiffyn cwsmeriaid.
- Sicrhewch fod gennych yr wybodaeth ddiweddaraf am y canllawiau alergenau diweddaraf, megis canllawiau newydd ar sut i roi gwybodaeth ysgrifenedig am alergenau i brynwyr a gwneud y gorau o'u hoffer rhad ac am ddim.
P'un ai ydych chi'n awyddus i ddiweddaru eich gwybodaeth am ddiogelwch bwyd, hyfforddi eich tîm, neu gael gwybodaeth am y canllawiau diweddaraf, mynnwch gip ar yr ymgyrch 'Bwyd mwy diogel, busnes gwell': Canllawiau i fusnesau bwyd | Asiantaeth Safonau Bwyd