Cydymffurfiaeth yw pa mor dda mae busnes yn dilyn y gofynion cyfreithiol a rheoleiddio sy’n llywodraethu ei fusnes.
Mae’n hanfodol eich bod yn deall beth sy’n ofynnol o’ch busnes cymdeithasol a bod gennych chi bob un o’r prosesau ar waith i wneud yn siŵr eich bod yn cydymffurfio â’r gyfraith.
Pan fyddwch chi’n cychwyn busnes cymdeithasol, mae angen ystyried a chydymffurfio ag agweddau cyfreithiol a rheoleiddio amrywiol ar y busnes hwnnw. Mae’r rhain yn amrywio yn dibynnu ar natur y busnes, y strwythur cyfreithiol rydych wedi’i ddewis ar gyfer eich busnes, a’r gweithgareddau a wneir.
Rhaid i fusnesau cymdeithasol ystyried eu rhwymedigaethau cydymffurfio untro pan fydd y busnes yn cychwyn, a’u rhwymedigaethau parhaus. Ystyrir bod cydymffurfiaeth gyfreithiol a rheoleiddio da yn rhan allweddol o gynnal busnes cymdeithasol llwyddiannus.
Mae’r tudalennau hyn yn mynd i’r afael â’r prif ofynion y dylid eu hystyried gan y rheiny sy’n sefydlu busnes cymdeithasol, ac wedi eu bwriadu i’ch helpu chi a’r rheiny sy’n gysylltiedig trwy rai o’r materion cydymffurfio.
Lawrlwythwch y Canllaw Cydymffurfiaeth Busnes Cymdeithasol fel PDF:
Os oes angen fersiwn fwy hygyrch o’r ddogfen hon arnoch, e-bostiwch cymorthbusnes@llyw.cymru . Dywedwch wrthym pa fformat sydd ei angen. Os ydych yn defnyddio technoleg gynorthwyol, nodwch fanylion.
Mae'r canllaw yn defnyddio'r termau allweddol canlynol i gwmpasu ystod o ystyron.
Diffiniadau:
Sefydliad o unrhyw faint, cymhlethdod neu statws cyfreithiol sydd â nodau ac amcanion strategol, ac yn defnyddio’i elw at y dibenion hynny.
Y bobl sy’n ffurfio corff llywodraethu’r busnes cymdeithasol. Gellir galw’r rhain yn Gyfarwyddwyr, Bwrdd y Cyfarwyddwyr, Ymddiriedolwyr, Bwrdd yr Ymddiriedolwyr, pwyllgor rheoli neu bwyllgor gweithredol.
Y prif bethau y mae busnes cymdeithasol yn eu gwneud – y gwasanaeth sy’n cael ei ddarparu, neu’r nwyddau / cynhyrchion sy’n cael eu gwerthu.
Cwsmeriaid, cleientiaid neu ddefnyddwyr gwasanaeth busnes, h.y. y rheiny yr ydych yn darparu nwyddau a gwasanaethau iddynt.
Gwahanol fathau o gytundebau cyllid neu weithgarwch a wneir gan y busnes cymdeithasol. Gellir eu galw’n Gytundebau Lefel Gwasanaeth, Memorandwm Dealltwriaeth, cytundebau grant, contractau cyllid neu gytundebau partneriaeth.
Unrhyw sefydliad sydd wedi ymgorffori fel cwmni cyfyngedig, Cwmni Cyfyngedig drwy Warant, neu Gwmni Buddiant Cymunedol (sy’n cael ei adnabod fel CIC), Cymdeithas gofrestredig neu Sefydliad Corfforedig Elusennol (sy’n cael ei adnabod fel CIO)*. Pan gaiff ei ymgorffori, daw sefydliad yn endid cyfreithiol sy’n bodoli ar wahân i’w aelodaeth.
* Y rhain yw’r strwythurau mwyaf cyffredin sy’n gysylltiedig â busnesau cymdeithasol. Mae opsiynau eraill fel Partneriaeth Atebolrwydd Cyfyngedig y tu hwnt i gwmpas y canllaw hwn.
Sefydliad sy’n bodoli fel grŵp o unigolion neu aelodau sydd wedi dod at ei gilydd ar y cyd at ddiben cyffredin ond nad ydynt wedi ffurfio fel endid cyfreithiol ar wahân. Mae’r sefydliadau a’r unigolion dan sylw yr un peth.
Y ffurf gyfreithiol a ddewiswyd ar gyfer eich busnes cymdeithasol.
Y ddogfen ffurfiol sy’n creu sefydliad. Gellir cyfeirio at y ddogfen lywodraethu fel cyfansoddiad, erthyglau cymdeithasu a rheolau cymdeithas, yn dibynnu ar natur yr endid cyfreithiol a grëwyd.
Y gofynion cyfreithiol a rheoleiddio sy’n llywodraethu busnes.
Eisiau trafod pynciau yn y canllaw hwn ymhellach?
Cysylltwch â sbwenquiries@cwmpas.coop neu eich Cynghorydd Busnes dynodedig.
Ymgeisiwch nawr am gymorth
Yn barod i dyfu eich busnes cymdeithasol? Ymgeisiwch nawr trwy Cwmpas i gael mynediad at gymorth ac adnoddau teilwredig sy’n gwneud gwahaniaeth.