Amdanom ni

Eisiau cychwyn busnes sy’n gwneud gwahaniaeth? Gallwn ni eich helpu chi.

Caiff Busnes Cymdeithasol Cymru ei ariannu gan Lywodraeth Cymru a’i gyflwyno gan gonsortiwm o asiantaethau cymorth arbenigol sy’n meddu ar wybodaeth, arbenigedd a phrofiad o gefnogi’r sector busnes cymdeithasol yng Nghymru. Mae’r consortiwm yn cynnwys Cwmpas, Cymdeithas Ymddiriedolaethau Datblygu Cymru (DTA), Cwmnïau Cymdeithasol Cymru (SFW), UnLtd a Chyngor Gweithredu Gwirfoddol Cymru (CGGC).

Rydym yn credu y gellir gwneud busnes yn wahanol. Rydym yn gwybod, trwy fenter gymdeithasol, cwmnïau cydweithredol a busnesau a berchnogir gan gyflogeion, ei bod yn bosibl creu newid cadarnhaol a meithrin cymunedau cryfach a chyfoethocach.

Mae Busnes Cymdeithasol Cymru yn cynnwys tîm o gynghorwyr busnes arbenigol sy’n canolbwyntio ar sefydlu a chefnogi mentrau cymdeithasol. Rydym ni wedi bod yn cynghori mentrau cymdeithasol er 1982, ac yn y cyfnod hwnnw, mae wedi helpu sefydlu cannoedd o fusnesau newydd. Caiff ein cymorth ei ariannu’n llawn sy’n golygu eich bod yn cael arweiniad yn rhad ac am ddim ar bob cam o’r ffordd.