Cynnyrch cymdeithasol

Beth yn union yw'r allbynnau a fydd â'r effaith gymdeithasol gadarnhaol rydych chi'n ei bwriadu? Er mwyn cadarnhau eich honiad bod eich busnes yn fusnes cymdeithasol, bydd angen i chi ddarparu tystiolaeth ei fod wedi cyflawni ei amcanion cymdeithasol.

Felly bydd angen i chi:

• gosod targedau ar gyfer allbynnau cymdeithasol
• mesur a chofnodi gweithgaredd yn erbyn y targedau hyn
• adrodd ar y canlyniadau (ac o bosibl cael yr adroddiadau wedi'u harchwilio)

Sut fyddwch chi'n gwneud y pethau hyn?

Mae rhai allbynnau cymdeithasol yn hawdd i'w mesur, fel cymwysterau a ddarparwyd neu nifer y prydau bwyd ar glud a ddarparwyd. Gelwir y rhain yn allbynnau caled. Os ydych chi'n delio ag allbynnau meddal, fel mwy o hunanhyder neu barodrwydd i weithio mewn cleientiaid unigol, bydd angen i chi ystyried sut y byddwch chi'n eu mesur a'u cofnodi. Ar gyfer busnes cymdeithasol, mae'r systemau hyn yn rhan o'r model busnes.

Ym myd busnes cymdeithasol, mae gan y termau canlynol ystyron penodol, y bydd angen i chi eu deall yn rhannol er mwyn i chi allu delio ag asiantaethau eraill heb amwysedd:

• Allbwn cymdeithasol - dyma eich cynnyrch cymdeithasol, fel y disgrifiwyd uchod.
• Canlyniad cymdeithasol - dyma'r effaith sydd gan eich allbwn cymdeithasol ar y gymuned. Er enghraifft, nifer y cleientiaid pryd-ar-glud sy'n cael digon o faeth dros gyfnod penodol.
• Effaith gymdeithasol - dyma'r gwahaniaeth y mae eich allbwn cymdeithasol yn ei wneud. Er enghraifft, os na fyddech chi'n darparu prydau bwyd ar glud, efallai y byddai gofalwyr yn darparu ar gyfer rhai cleientiaid, felly byddai'n ymddangos nad oes gan eich gwasanaeth effaith mor fawr wedi'r cyfan. Fodd bynnag, mae'n dod yn amlwg nawr mai'r hyn rydych chi'n ei ddarparu mewn gwirionedd yw seibiant i ofalwyr - dyna efallai eich prif effaith gymdeithasol yn y senario hwn.