Cefnogi Cyflenwi Bwyd yn y Sector Cyhoeddus

Drwy ddarparu gwybodaeth ac adnoddau i lywio fframweithiau caffael i fusnesau, rydym yn gosod cynnyrch o Gymru fel dewis cystadleuol ar gyfer contractau sector cyhoeddus.

Trosolwg Rhaglen

Mae’r prosiect Bwyd a Diod Busnes Cymru, a ariennir gan dîm Economi Sylfaenol Llywodraeth Cymru, yn canolbwyntio ar gynyddu’r ddarpariaeth o fwyd a diod o Gymru yn y sector cyhoeddus. 

Drwy gymysgfa o weithdai, ymgysylltu â rhanddeiliaid a chydweithrediad cadwyn gyflenwi, mae’r rhaglen wedi cefnogi BBaChau i adnabod a gweithredu ar gyfleoedd newydd.

Mae uchafbwyntiau’n cynnwys: 

• Cefnogi ‘Cenhadaeth Bwyd’ Bwrdd Iechyd Felindre i ddod â mwy o gynnyrch o Gymru i’w bwydlenni.
• Cynorthwyo i ddatblygu’r bwydlenni yn ysgolion Conwy a threialu cynnyrch lleol.
• Helpu i sefydlu grŵp bwyd Awdurdod Lleol Goledd Cymru i sicrhau arbedion maint a chynyddu cynnyrch lleol. 

Addasu i Ganllawiau Maeth Bwyd Ysgol

Prif ffocws y rhaglen hon fu helpu BBaChau i addasu i Ganllawiau Maeth arfaethedig Bwyd Ysgol Cymru, sy’n ceisio gwella ansawdd maethol y bwyd a weinir mewn ysgolion. 

Mae’r prosiect wedi rhoi cefnogaeth ychwanegol yn dilyn y cynigion hyn, drwy weithdai ac ymgysylltu’n uniongyrchol - gan rannu gwybodaeth amserol, hyrwyddo trafodaethau a chefnogi ail-fformiwleiddio cynnyrch lle bo’n briodol i gynnal cydymffurfiaeth gyda chynnyrch o Gymru.

Adnoddau Mapio a Chaffael

Mae’r rhaglen wedi darparu hyfforddiant ac adnoddau wedi’u teilwra ar gyfer BBaChau, swyddogion caffael a rheolwyr arlwyo, sy’n cyd-fynd â fframweithiau fel TUCO, Cydwasanaethau’r GIG, fframwaith caffael Caerffili - adnoddau y gellir dod o hyd iddynt isod. 

Rydym hefyd wedi mapio llyfrgell o fusnesau bwyd a diod achrededig yng Nghymru sy’n barod i gyflenwi’r sector cyhoeddus yng Nghymru. I adeiladu ar hyn, mae’r rhaglen bellach yn ceisio mapio cyfleoedd cadwyn gyflenwi bwyd a diod mewn perthynas â phrosiectau seilwaith ar raddfa eang yng Nghymru - fel prosiectau ynni llanw, solar, gwynt a niwclear. 

Cyd-fynd gyda Mentrau Eraill

Mae’r prosiect yn ategu mentrau Economi Sylfaenol Llywodraeth Cymru yn ehangach, fel rhaglen Bwyd o Gymru i Ysgolion Larder Cymru, sy’n cefnogi awdurdodau lleol i gynnwys mwy o gynnyrch o Gymru ar fwydlenni ysgolion cynradd.

Cewch ragor o wybodaeth ym mhamffled Bwyd o Gymru i Ysgolion Larder Cymru: Larder-Cymru-A4-S.pdf

Ffrwamweithiau caffael bwyd

Cewch drosolwg bras o’r tri phrif fframwaith cyflenwi bwyd i’r sector cyhoeddus yng Nghymru.

Astudiaethau achos

Mae Malmö, Sweden yn cael ei chydnabod fel arweinydd byd-eang mewn caffael a ffynonellau bwyd lleol cynaliadwy. Mae’r ddinas yn blaenoriaethu cynaliadwyedd, opsiynau iach a chyflenwyr lleol ar draws ei holl sector cyflenwi bwyd. Dewch i ddarganfod sut mae’r ymrwymiad hwn yn cael ei adlewyrchu yn ysbytai, ysgolion a mentrau ledled y ddinas yn Malmö.