Bydd dros £740,000 o gyllid Cymoedd Technoleg Llywodraeth Cymru yn helpu i ysbrydoli miloedd yn rhagor o blant ledled De-ddwyrain Cymru i archwilio gyrfaoedd seiberddiogelwch.
Bydd y Ganolfan Ecsbloetio Ddigidol Genedlaethol (NDEC) yn defnyddio'r buddsoddiad i ehangu ei rhaglen allgymorth addysg seiberddiogelwch i 10,000 o ddysgwyr ledled y rhanbarth.
Mae NDEC yn darparu gweithgareddau rhyngweithiol ar fforensig ddigidol, seiberdroseddu a diogelwch ar y rhyngrwyd i blant ysgol gynradd.
Bydd y cyllid yn galluogi darparu'r gweithgareddau hyn yn ddwyieithog, cyflwyno hyfforddiant newydd ar AI a chynaliadwyedd, ac yn helpu i fynd i'r afael â rhwystrau fel costau trafnidiaeth ac offer i ysgolion mewn ardaloedd difreintiedig.
Wedi'i chyflwyno gan Thales a Phrifysgol De Cymru, a'i chefnogi gan Lywodraeth Cymru, mae'r rhaglen yn annog pobl ifanc i ddilyn addysg a gyrfaoedd ym meysydd seiberddiogelwch a chyfrifiadura.
Mae'r ehangu hwn yn adeiladu ar lwyddiant y cam cyntaf, a gyrhaeddodd 216 o ysgolion a 20,000 o ddysgwyr ledled De-ddwyrain Cymru.
I gael rhagor o wybodaeth, dewiswch y ddolen ganlynol: Hwb ariannol i adeiladu gweithlu seiberddiogelwch yfory | LLYW.CYMRU.
P'un a ydych am helpu eich gweithwyr i ddysgu sgiliau newydd a fydd yn fuddiol i'ch busnes neu ychwanegu talent newydd i'ch tîm, mae Llywodraeth Cymru’n cynnig llawer o raglenni drwy'r a all gefnogi eich anghenion o ran sgiliau, hyfforddiant a recriwtio: Yn Gefn i Chi | Busnes Cymru.
I gael gwybodaeth a chyngor ar Seiberddiogelwch ar gyfer eich busnes, edrychwch ar y canllaw Pam fod Seiberddiogelwch yn Bwysig.