Ceisiadau ar gyfer 2026 yn awr ar agor. Enwebwch diwtor neu fentor sy’n ysbrydoli yng Nghymru.
Mae Gwobrau Ysbrydoli! Tiwtoriaid blynyddol yn cydnabod gwaith gwerthfawr tiwtoriaid a mentoriaid wrth gefnogi dysgu gydol oes ar draws Cymru.
Mae’r gwobrau yn dathlu ymdrech ac ymroddiad rhagorol tiwtoriaid a mentoriaid i helpu oedolion sy’n ddysgwyr i gyflawni eu huchelgais, oherwydd fod mentoriaid a thiwtoriaid sy’n ysbrydoli tu ôl i ddysgwyr llwyddiannus.
Mae Gwobrau Ysbrydoli! Tiwtoriaid yn bartneriaeth yn cynnwys y Sefydliad Dysgu a Gwaith, Llywodraeth Cymru, Prifysgolion Cymru, NTFW, Colegau Cymru a Phartneriaeth Addysg Oedolion Cymru.
Dylai enwebiadau arddangos llwyddiant yn o leiaf ddau o’r meysydd dilynol:
- Datblygu’r cwricwlwm, creu adnoddau a deunyddiau newydd.
- Goresgyn amgylchiadau personol a/neu weithio mewn amgylchiadau heriol.
- Cyfrannu at ehangu mynediad ac adeiladu llwybrau i gyfleoedd dysgu.
- Ysbrydoli dysgwyr i symud ymlaen i gyrsiau neu gyfleoedd eraill i ddysgu neu bontio i gyflogaeth.
- Creu partneriaethau neu lwybrau newydd i ddysgu.
- Datblygu ffyrdd blaengar o gefnogi, addysgu, chwalu rhwystrau neu fentora dysgwyr.
Categorïau gwobrau:
- Addysg Uwch
- Addysg Bellach
- Lleoliad Gweithle
- Addysg Gymunedol
- Cymraeg i Oedolion
- Ysgol neu leoliad arall
Dyddiad cau ar gyfer enwebiadau: 16 Ionawr 2026.
Am fwy o wybodaeth, dilynwch y ddolen hon: Ysbrydoli! Gwobrau Tiwtoriaid - Learning and Work Institute.
Uwchsgilio eich gweithwyr gyda chymorth y Rhaglen Sgiliau Hyblyg: Mae'r Rhaglen Sgiliau Hyblyg yn fenter a ariennir gan Lywodraeth Cymru sy'n helpu busnesau ledled Cymru i feithrin gweithlu cryfach a mwy medrus. Gall cyflogwyr wneud cais am gyllid i dalu hyd at 50% o'r costau hyfforddi achrededig, a gall bob cais ofyn am hyd at £50,000. P'un a ydych chi'n bwriadu llenwi bylchau sgiliau, cadw staff, neu ddenu talent newydd, gall y Rhaglen Sgiliau Hyblyg eich helpu i fuddsoddi yn nyfodol eich tîm.