Safonau Galwedigaethol Cenedlaethol (SGC)

Mae’r SGC yn diffinio sut y byddai gweithiwr medrus a chymwys yn cyflawni pob rhan o'i rôl.

Mae’r SGC yn disgrifio'r sgiliau, yr wybodaeth a'r ddealltwriaeth, y nodweddion a'r ymddygiad sy’n ofynnol i ymgymryd â, neu gyflawni tasg neu swydd benodol ar lefel cymhwysedd sy’n cael ei chydnabod yn genedlaethol.

Maent yn disgrifio perfformiad effeithiol o fewn rôl swydd, gan gynnwys unrhyw gyfrifoldebau statudol neu gyfreithiol.

• Swyddogaethau rheoli ac arweinyddiaeth fel recriwtio, dewis a chadw pobl yn eich busnes, rheoli ymsefydlu staff a datblygu / gweithredu cynlluniau marchnata.
• Swyddogaethau ariannol megis rheoli cyflogres, cyfrifo a chyflwyno ffurflenni TAW a gweinyddu cynlluniau pensiwn.
• Swyddogaethau busnes a gweinyddol fel darparu gwasanaethau derbynfa, ymdrin â’r post, cynllunio a threfnu cyfarfodydd a monitro systemau gwybodaeth.

• Ffyrdd o ddefnyddio’r Safonau Galwedigaethol Cenedlaethol

• Yn disgrifio beth mae angen i unigolyn ei wneud, ei wybod a'i ddeall er mwyn cyflawni swydd neu swyddogaeth yn gymwys
• Yn disgrifio beth yw perfformiad effeithiol yn y gwaith
• Yn galluogi busnesau i wella sgiliau eu gweithluoedd, cynyddu cynhyrchedd, datblygu cynlluniau hyfforddi ac i recriwtio a chadw eu pobl orau.

Chwiliwch Gronfa Ddata’r SGC i gael gwybod rhagor.

Os hoffech gymryd rhan mewn unrhyw ddigwyddiadau ymgynghori yn y dyfodol a dweud eich dweud am yr alwedigaeth neu'r maes diwydiant sy’n gyfarwydd i chi, neu os hoffech ragor o wybodaeth am yr SGC, cysylltwch â NOSMailbox@llyw.cymru