Sgiliau Sero Net

EIN NOD: Datblygu gweithlu medrus a fydd yn cefnogi ein her sero net.

Beth mae sgiliau sero net yn ei olygu i'ch busnes?

Mae'r galw am sgiliau sero net yn tyfu ledled Cymru. Mae'r rhain yn sgiliau sydd eu hangen i helpu i gefnogi ein taith i Sero Net erbyn 2050. Mae ein heconomi yn newid, ac mae angen i bob un ohonom addasu'r ffordd rydym yn gweithio i gyflawni'r newidiadau hyn – felly bydd buddsoddi mewn sgiliau yn ffactor allweddol wrth gyflawni nodau a rennir.

Gall buddsoddi yn y modd hwn olygu llawer o fanteision;

  • Llai o gostau ynni ac effeithlonrwydd tymor hwy
  • Mwy o ffocws ar gynaliadwyedd
  • Gwella’u siawns o ennill busnes newydd
  • Arloesi o ran cynhyrchion a gwasanaethau
  • Cynyddu’r tebygolrwydd o sicrhau buddsoddiad a chontractau newydd
  • Dod yn fwy effeithlon a gwneud eu busnes yn gryfach
  • Gwella delwedd eu brand a meithrin ymddiriedaeth a ffyddlondeb cwsmeriaid
  • Gosod arferion gorau y gall eraill eu dilyn
  • Bodloni safonau a rheoliadau
  • Datblygu gweithlu mwy amrywiol a hyblyg

Ennill y fantais gystadleuol honno wrth gefnogi ein Nodau Sero Net

Pa gymorth sydd ar gael i chi?

Er mwyn eich helpu i ddeall manteision ac effeithiau buddsoddi mewn hyfforddiant, cymwysterau a sgiliau ar gyfer eich gweithlu, mae gennym nifer o opsiynau ar gael, sydd wedi'u teilwra i'ch anghenion busnes penodol.

Rydym yn deall efallai nad tyfu sgiliau sero net o fewn eich busnes fydd eich blaenoriaeth uniongyrchol. Oherwydd blaenoriaethau neu bwysau eraill, efallai y byddwch yn ei chael hi'n anodd rhyddhau staff i fynychu cyrsiau neu ddim yn gwybod beth yw eich opsiynau neu'r cymorth sydd ar gael. Rydym yn datblygu pecyn cymorth i'ch helpu i ddeall eich opsiynau i uwchsgilio eich staff ar gyfer sero net.

Mae llawer o'n rhaglenni hyfforddi a'n llwybrau uwchsgilio eisoes yn cefnogi setiau sgiliau y mae diwydiant a busnesau yn galw amdanynt. Mae cymorth a chyngor ar gael drwy ein holl gynlluniau

Y Rhaglen Sgiliau Hyblyg

Rydym wedi cynnwys elfen Sero Net yn benodol yn y rhaglen hyfforddi hon. Wedi'i anelu at bob cyflogwr yng Nghymru sy'n bwriadu adolygu eu harferion gwaith a buddsoddi mewn uwchsgilio eu gweithlu. Mae'r rhaglen yn caniatáu i chi hawlio cyllid o 50% i gefnogi ystod o bynciau hyfforddi.

Gellir dod o hyd i fanylion sut i wneud cais yma;
Rhaglen Sgiliau Hyblyg | Porth Sgiliau Busnes Cymru (llyw.cymru)

Meysydd Hyfforddiant a Gymeradwywyd Ymlaen Llaw

Beth yw'r sgiliau a'r cyfleoedd hyfforddi sydd ar gael i chi nawr?

Os ydych yn bwriadu ehangu eich gweithlu, mae llawer o opsiynau a llwybrau ar gael.

Rhaglenni Sgiliau a Hyfforddiant yng Nghymru

Datblygu gweithlu hyfedr - Unigolion Di-waith

  • Y Warant i Bobl Ifanc (16-24 oed)
    Darparu cefnogaeth i ennill lle mewn addysg neu hyfforddiant, dod o hyd i swydd neu ddod yn hunangyflogedig
  • React+ (age 18+/ NEET)
    Cynnig pecyn cymorth i helpu rhywun sy'n ddi-waith/wedi colli ei swydd yn y 12 mis diwethaf, i ddychwelyd i'r gwaith yn gyflym
  • Prentisiaethau (16 oed+)
    Ennill cymhwyster cydnabyddedig a sgiliau hanfodol wrth i chi weithio ac ennill cyflog.
  • Cymunedau am Waith a Mwy
    Darparu cymorth cynghori cyflogaeth arbenigol a mentora dwys i bobl sydd heb gynrychiolaeth ddigonol yn y farchnad lafur, gan eu helpu i sicrhau cyflogaeth.
  • Twf Swyddi Cymru+ (16-19 oed
    Rhaglen hyfforddi a datblygu ar gyfer pobl ifanc 16-19 oed sy'n rhoi'r sgiliau, y cymwysterau a'r profiad sydd eu hangen arnynt i gael swydd neu hyfforddiant pellach.
  • Dysgu Oedolion yn y Gymuned
    Darparu dysgu i oedolion mewn amrywiaeth o gyrsiau yn y gymuned leol. (Gwefannau Awdurdodau Lleol)
  • Addysg Bellach (ar ôl 16 oed)
    Addysg Bellach yng Nghymru ar ôl 16 sy'n darparu cyrsiau rhan-amser a llawnamser, sy'n cynnwys colegau a'r chweched dosbarth
  • Addysg Uwch (ar ôl 18 oed)
    Cyrsiau a chymwysterau a ddarperir gan brifysgolion fel diplomâu, graddau sylfaen a graddau baglor.

Datblygu gweithlu hyfedr - Unigolion Cyflogedig

  • Cyfrifon Dysgu Personol (19 oed) Darparu cyllid i unigolion astudio cyrsiau a ariennir yn llawn yn rhan-amser a chyrsiau hyblyg wrth weithio.
  • React+ (18+ oed)
    Cynnig pecyn cymorth i helpu rhywun sydd wedi cael hysbysiad colli swydd ffurfiol i ddychwelyd i'r gwaith yn gyflym
  • Prentisiaethau (16+ oed)
    Ennill cymhwyster cydnabyddedig a sgiliau hanfodol wrth i chi weithio ac ennill cyflog.
  • Cronfa Ddysgu Undebau Cymru
    Gall Undebau Llafur ddefnyddio arian i ddatblygu sgiliau hanfodol yn y gweithlu.
  • Addysg Bellach (ar ôl 16 oed)
    Addysg Bellach yng Nghymru ar ôl 16 sy'n darparu cyrsiau rhan-amser a llawnamser, sy'n cynnwys colegau a'r chweched dosbarth
  • Dysgu Oedolion yn y Gymuned
    Darparu dysgu i oedolion mewn amrywiaeth o gyrsiau yn y gymuned leol. (Gwefannau awdurdodau lleol)
  • Addysg Uwch (ar ôl 18 oed)
    Cyrsiau a chymwysterau a ddarperir gan brifysgolion fel diplomâu, graddau sylfaen a graddau baglor.

Datblygu gweithlu hyfedr - Cyflogwyr

  • Y Rhaglen Sgiliau Hyblyg
    Cyllid o 50% ar gyfer hyfforddiant hyblyg i gefnogi cyflogwyr i uwchsgilio eu staff mewn Sgiliau Digidol, Allforio, Sero-Net, Peirianneg a Gweithgynhyrchu, Creadigol, a Thwristiaeth a Lletygarwch.
  • REACT+ (18+/NEET)
    Mae’n cynnig cymhorthdal cyflog o hyd at £3000. Cynigir £1000 yn ychwanegol ar gyfer pobl ifanc 18-24 oed neu berson anabl a hefyd £2000 arall ar gyfer person anabl 18-24 oed. Caiff ei dderbyn mewn rhandaliad chwarterol i gyflogi unigolyn sydd wedi mynd yn ddi-waith/wedi colli eu swydd yn ystod y 12 mis diwethaf. Grant hyfforddi o 50% hyd at £1000 i unigolion i ennill y sgiliau yn eu rôl newydd.
  • Prentisiaethau
    Recriwtio prentis i ehangu eich gweithlu a'i sylfaen sgiliau. Hyfforddiant wedi'i ariannu'n llawn drwy'r rhwydwaith o ddarparwyr Hyfforddiant Prentisiaeth.
  • Cronfa Ddysgu Undebau Cymru
    Gall Undebau Llafur ddefnyddio arian i ddatblygu sgiliau hanfodol yn y gweithlu.
  • Cymorth BOSS/busnes
    Mae'n cynnig amrywiaeth o gyrsiau ar-lein am ddim a grëwyd gan arbenigwyr pwnc Busnes Cymru i'ch cefnogi i ddechrau a rhedeg eich busnes yn llwyddiannus.
  • Twf Swyddi Cymru + (16 -19)
    Mae'n cynnig cymorthdaliadau cyflog a chymorth wedi'i deilwra i helpu i dyfu eich gweithlu. Yn gyfnewid am hyn, rydym yn chwilio am eich help i greu cyfleoedd cyflogaeth, sesiynau blasu gwaith, neu leoliadau profiad gwaith i bobl ifanc.

Hoelio Sylw ar Hanesion o Lwyddiant yng Nghymru

Mae mwy a mwy o fusnesau'n mynd ati i wella’u cynaliadwyedd ac i ddangos yr effaith gadarnhaol y maent yn eu cael ar y bobl a'r lleoedd o'u hamgylch. Mae'r rhain yn gymuned gynyddol o sefydliadau blaengar sy'n helpu Cymru i bontio i ddyfodol carbon isel ac sy'n gweld y manteision sy’n gysylltiedig â sicrhau bod gan eu gweithlu y sgiliau cywir.

Rydym wedi datblygu nifer o astudiaethau achos byr, sy’n tynnu sylw at rai o'r newidiadau y mae cyflogwyr yn eu gwneud ar hyn o bryd. Mae’r astudiaethau hynny’n dangos sut mae’r newidiadau’n effeithio ar eu harferion busnes ond hefyd yr effaith y maent yn ei chael o ran datblygu gweithlu medrus a fydd yn gallu ymateb i heriau'r dyfodol.

https://www.llyw.cymru/astudiaethau-achos-sgiliau-sero-net

Gobeithio y bydd yr enghreifftiau hyn yn eich helpu i weld y posibiliadau o’r newydd ac i benderfynu buddsoddi mewn sgiliau.

Want to get involved in the conversation and shape the future skills?

Hoffem ddeall mwy am y rhwystrau a’r heriau sy’n eich hwynebu wrth ichi fynd ati i wella sgiliau’ch staff er mwyn helpu i wireddu’n hymrwymiadau sero net erbyn 2030.

Wrth inni fynd ati i ddatblygu'r cynllun, gwnaethom drafod yn helaeth â rhanddeiliaid sy’n frwd o blaid darparu'r sgiliau a'r cyfleoedd cywir a fydd yn helpu i wireddu’n hymrwymiad sero net, yn ogystal â helpu Cymru i dyfu ac i ffynnu.

Byddwn yn parhau i wneud hynny er mwyn inni i gyd feithrin dealltwriaeth lawn o anghenion busnesau, yr anghenion at y dyfodol, a'r sgiliau sydd eu hangen.

Diben y camau gweithredu yn y cynllun yw creu system sgiliau fwy hyblyg, ymatebol, ac ystwyth yng Nghymru. Ni allwn wneud hynny ar ein pen ein hunain: mae angen i bobl o nifer o feysydd ddod ynghyd i fynd â’r maen i’r wal, ac mae hynny'n cynnwys cyfraniadau gennych chi fel cyflogwyr.

Os hoffech fod yn rhan o’r gwaith hwn, mae nifer o opsiynau a nifer o sefydliadau y gallwch gysylltu â nhw: NetZeroSkills@gov.wales

 

Lle gallwch chi fynd er mwyn cael Cymorth a Chefnogaeth?

Mae gwahanol opsiynau ar gyfer cael cymorth a chefnogaeth i’w gweld ar wefan Busnes Cymru - Recriwtio a Hyfforddi. Darganfod mwy at Yn Gefn i Chi

Our Net Zero Skills Action Plan

If you want to know more about what Wales is doing to support the skills needs as we transition to our Net Zero future then our Net Zero Skills Action Plan will help. It contains 36 actions over 7 Priorities, aimed at helping identify and deliver the right skills now and in the future to support our net zero journey.

https://www.gov.wales/net-zero-skills-action-plan


Llinell Gymorth Busnes Cymru

03000 6 03000

Mae'r llinellau ar agor rhwng 10yb a 4yh o ddydd Llun i ddydd Gwener.

Rydym yn croesawu galwadau'n Gymraeg.