Recriwtio prentis

• Galluogi recriwtio cost-effeithiol – rydych chi’n talu cyflog y prentis ac rydym ni’n talu am gost yr hyfforddiant
• Creu cronfa o dalent – gyda gweithlu medrus, cymwysedig
• Llenwi bylchau sgiliau – i fodloni eich gofynion presennol ac yn y dyfodol
• Helpu eich busnes i dyfu – p'un a ydych yn dewis recriwtio, ailhyfforddi neu adleoli eich gweithlu
• Eich helpu i gymryd rhan yn y Warant i Bobl Ifanc drwy eich cynorthwyo i greu cyfleoedd i bobl ifanc 16-24 oed gael mynediad i’r gweithle.

Mae recriwtio prentis yn broses hawdd. Gan weithio gydag un o’n darparwyr hyfforddiant cymeradwy, byddwch yn gyfrifol am ddarparu a chynllunio amserlen hyfforddiant y prentis, yn Gymraeg neu Saesneg, a chaniatáu dull gweithredu wedi’i deilwra sy’n benodol i’r busnes.    

Eich darparwr hyfforddiant fydd yn rheoli prosesau’r cymhwyster, yr asesiad a’r rhaglen.

Mae dwy gost yn perthyn i brentisiaeth - cyflog y prentis a chost yr hyfforddiant. Bydd yn rhaid i chi dalu’r gost gyntaf. Does dim rhaid i chi dalu’r ail. Llywodraeth Cymru sy’n talu’r rhan fwyaf o’r costau hyfforddiant, ac mae’n gweithio gyda darparwyr hyfforddiant allanol i reoli, darparu ac asesu’r holl brentisiaethau. Mae cmorth ar gael i fusnesau yng Nghymru waeth beth yw eu maint neu sector.

Cliciwch yma i ddysgu mwy am y cymhellion ariannol sydd ar gael.

Rydym yn darparu llwybrau prentisiaeth wedi’u hariannu’n llawn mewn 23 sector yng Nghymru ar bedair lefel: Prentisiaeth Sylfaen, Prentisiaeth, Prentisiaeth Uwch a Gradd-brentisiaeth.

Prentisiaeth Sylfaen – Lefel 2	NVQ Lefel 2 a chyfwerth â 5 TGAU da
Prentisiaeth – Lefel 3	NVQ Lefel 3, cyfwerth â phasio 2 Safon Uwch
Prentisiaeth Uwch – Lefel 4/5	Lefel HNC/ HND/ Gradd Sylfaen
Gradd-brentisiaeth – Level 6	Gradd baglor lawn. Cynigir llwybrau ym meysydd TGCh/ Digidol a Pheirianneg / Gweithgynhyrchu Uwch ar hyn o bryd. Mae’r Gradd-brentisiaethau sydd ar gael ar hyn o bryd wedi’u rhestru Darpariaeth Prentisiaethau Gradd 2020 a 21 , file type: pdf, file size: 152.65 KB 152.65 KB Efallai na fydd y ffeil hon yn hygyrch. Gofynnwch am fformat gwahanol. (Darpariaeth Prentisiaethau Gradd 2020 a 21) Os oes angen fersiwn fwy hygyrch o’r ddogfen hon arnoch, e-bostiwch cymorthbusnes@llyw.cymru . Dywedwch wrthym pa fformat sydd ei angen. Os ydych yn defnyddio technoleg gynorthwyol, nodwch fanylion.

Os yw prentisiaethau’n beth newydd i chi, gallwch gael rhagor o help a chymorth gan Gynghorydd Ymgysylltu â Chyflogwyr drwy:

• lenwi’r ffurflen Mynegi Diddordeb
• siarad yn uniongyrchol â 

Ceir rhestr lawn o’r darparwyr hyfforddiant - 

Darparwyr hyfforddiant prentisiaethau: manylion cyswllt