Gan Lee Woodman, Hyfforddwr Strategaeth Ddigidol RCT
Os ydych chi’n rhedeg busnes twf uchel, byddwch chi wedi clywed yr holl sôn am AI. Ond rhwng y swn a’r jargon, mae’n anodd gwybod ble i ddechrau.
Y newyddion da? Does dim angen bod gennych chi dîm data gwyddoniaeth na chyllideb chwe ffigwr i elwa o AI. Yr unig beth y mae angen i chi ei wneud yw canolbwyntio ar yr offer cywir sy’n datrys problemau go iawn yn eich busnes chi.
Mae tair rhaglen AI y dylai busnes sy’n tyfu, roi prawf arnyn nhw eleni, gyda chyngor ymarferol ar sut i ddechrau arni.
1. Awtomeiddio gwasanaeth cwsmeriaid: Ymateb yn gynt, tyfu’n gallach
Y broblem: Mae ymholiadau eich cwsmeriaid yn tyfu’n gynt nag y gall eich tîm chi ymdopi â nhw. Mae amseroedd ymateb yn llacio ac rydych chi’n treulio rhagor ar gymorth heb wella bodlonrwydd.
Yr ateb: Gall sgwrsfotiau wedi’u gyrru gan AI ymdopi â hyd at 50% o ymholiadau arferol ar unwaith, gan ryddhau eich tîm ar gyfer sgyrsiau gwerth uchel, cymhleth.
Offer i roi cynnig arnyn nhw:
- Tidio – Hawdd i’w weithredu, yn ymdrin â Chwestiynau Cyffredin a datrys problemau sylfaenol
- Intercom – Mwy soffistigedig, yn dysgu o ymatebion eich tîm
- Zendesk AI – Yn gweithio gyda systemau desg gymorth sy’n bodoli eisoes
Buddion cyflym:
- Awtomeiddio eich pum cwestiwn mwyaf cyffredin (statws cludiant, polisi dychwelyd, oriau agor, argaeledd cynhyrchion, ailosod cyfrineiriau)
- Bwydo cwestiynau cyffredin sy’n bodoli eisoes ac erthyglau ynghylch sylfaen wybodaeth i’ch sgwrsfot
- Ei osod i uwchgyfeirio at bobl pan fydd yn canfod rhwystredigaeth
- Monitro sgyrsiau’n wythnosol ar gyfer y mis cyntaf a mireinio atebion
Gwiriad realiti: Disgwyliwch 2-3 mis o hyfforddiant a mireinio. Ond hyd yn oed gyda chywirdeb o 70%, fe welwch chi arbedion amser sylweddol.
2. Ymchwil i’r farchnad a gwybodaeth am gystadleuwyr: Gwybod beth y mae ei angen ar gwsmeriaid cyn iddyn nhw ddweud wrthych chi
Y broblem: Rydych chi’n gwneud penderfyniadau yn seiliedig ar reddf neu ymchwil sydd wedi ei dyddio. Erbyn i chi gomisiynu arolwg, bydd y farchnad wedi symud ymlaen.
Yr ateb: Mae offer AI yn dadansoddi miloedd o adolygiadau cwsmeriaid, sgyrsiau ar y cyfryngau cymdeithasol a gweithgarwch cystadleuwyr mewn munudau, gan ddarganfod tueddiadau na fyddech chi byth yn sylwi arnyn nhw â llaw.
Offer i roi cynnig arnyn nhw:
- ChatGPT Deep Research – Yn dadansoddi safleoedd cystadleuwyr, crynhoi adolygiadau cwsmeriaid, nodi bylchau yn y farchnad
- Glimpse – Yn olrhain tueddiadau pynciau a chynhyrchion cyn iddyn nhw ymuno â’r brif ffrwd
- Crayon – Yn monitro gwefannau, prisiau ac ymgyrchoedd marchnata cystadleuwyr yn awtomatig
Buddion cyflym:
- Defnyddio ChatGPT i ddadansoddi 100+ o adolygiadau cystadleuwyr: “Beth yw’r 5 prif gŵyn sydd gan gwsmeriaid am [gynnyrch cystadleuydd]?”
- Nodi bylchau cynnwys: “Pa gwestiynau y mae cwsmeriaid yn eu holi am [eich categori cynnyrch] sydd heb eu hateb?”
- Gosod patrwm olrhain misol ar gyfer cystadleuwyr ynghylch newidiadau prisiau a lansiadau newydd
- Dadansoddi eich trawsgrifiadau gwasanaeth cwsmeriaid i nodi achosion poendod sy’n codi dro ar ôl tro
- Rhoi prawf ar negeseuon trwy ofyn i AI chwarae rôl gwahanol segmentau cwsmeriaid
Gwiriad realiti: Ni fydd AI yn disodli sgyrsiau dwfn â chwsmeriaid, ond gall nodi patrymau’n gynt ac yn rhatach nag ymchwil draddodiadol. Defnyddiwch e i greu damcaniaethau, ac wedyn ei ddilysu gyda chwsmeriaid go iawn.
3. Rhagfynegi ariannol a rheoli llifoedd arian: Cynlluniwch yn hyderus, nodwch broblemau yn gynnar
Y broblem: Mae eich taenlenni’n gymhleth, dyfalu yw eich rhagfynegiadau a dydych chi ddim yn nodi problemau llifoedd arian nes iddynt fynd yn ddifrifol.
Yr ateb: Mae offer ariannol wedi eu pweru gan AI yn dadansoddi eich data hanesyddol, yn nodi patrymau ac yn rhagfynegi perfformiad yn y dyfodol. Gallan nhw dynnu sylw at wasgfeydd llifoedd arian wythnosau cyn iddyn nhw daro.
Offer i roi cynnig arnyn nhw:
- Futrli – Yn cysylltu â Xero/QuickBooks, yn creu rhagfynediadau gweledol, yn rhedeg gwaith cynllunio senario
- Fluidly – yn rhagfynegi llif arian amser go iawn gyda rhybuddion am broblemau
- Causal – Yn adeiladu modelau ariannol heb fformwlâu cymhleth
Buddion cyflym:
- Cysylltwch eich meddalwedd gyfrifo a gadewch i AI sefydlu patrymau gwaelodlin
- Rhedeg senarios: “Beth fydd yn digwydd i’r llif arian os byddwn ni’n cyflogi dau berson yn C2?”
- Sefydlu rhybuddion ar gyfer tir glanio arian isel (rhoi gwybod pan fydd 60 o ddiwrnodau ar ôl cyn cyrraedd yr isafswm balans)
- Nodi eich cynhyrchion, cwsmeriaid neu sianeli mwyaf proffidiol
- Rhagfynegi effaith newidiadau prisiau cyn i chi ymrwymo
Prawf realiti: Mae rhagfynegi AI yn gweithio’n well gydag o leiaf 12 mis o ddata ariannol glân. Tebygrwydd a gawn ni mewn rhagfynegiadau, nid sicrwydd. Defnyddiwch nhw i lywio penderfyniadau, nid i ddisodli barn.
Dechrau arni: Cynllun profi AI 30 diwrnod
- Wythnos 1: Dewiswch un maes problemus a dewiswch un offeryn i roi prawf arno. Mae’r rhan fwyaf yn cynnig treialon rhad ac am ddim.
- Wythnos 2: Gosodwch yr offeryn a bwydwch eich data presennol iddo. Peidiwch ag anelu at berffeithrwydd.
- Wythnos 3: Defnyddiwch e bob dydd. Monitrwch ganlyniadau, mireiniwch osodiadau, ac olrhain yr amser a arbedwyd.
- Wythnos 4: Mesur yr effaith. Ydy e’n arbed amser? Gwella penderfyniadau? Os ydy, cadwch e. Os nac ydy, rhowch gynnig ar rywbeth arall.
Tair rheol ar gyfer mabwysiadu AI sy’n gweithio
- Dechreuwch yn fach, tyfwch beth sy’n gweithio. Dewiswn un broses boenus a datryswch nhw.
- Canolbwyntiwch ar adenillion o fuddsoddi, nid newydd-deb. Dewiswch offer sy’n datrys problemau go iawn, nid rhai sydd ond yn swnio’n fawr.
- Cadwch bobl yn y cylch. Mae AI yn ychwanegu at eich tîm; dyw e ddim yn disodli barn, creadigrwydd, na pherthnasoedd â chwsmeriaid.
Nid y busnesau sydd â’r dechnoleg fwyaf trawiadol fydd ar eu hennill oherwydd AI. Yr enillwyr fydd y rhai fydd yn ei ddefnyddio i weithio’n gallach, symud yn gynt a gwasanaethu cwsmeriaid yn well.