Yn 2024 i 2025, nododd CThEF ôl-ddyledion cyflog o £5.8 miliwn yn ddyledus i 25,200 o weithwyr yn y DU a chyhoeddodd tua 750 o gosbau gwerth cyfanswm o £4.2 miliwn i gyflogwyr nad oeddent yn cydymffurfio.
Mae gan staff tymhorol dros dro hawl gyfreithiol i dderbyn o leiaf yr un isafswm cyfraddau cyflog â gweithwyr eraill.
Ar hyn o bryd cyfraddau awr yr Isafswm Cyflog Cenedlaethol yw:
- £12.21 - 21 oed a hŷn (Cyflog Byw Cenedlaethol)
- £10.00 - 18 i 20 oed
- £7.55 - O dan 18 oed
- £7.55 - Prentis (o dan 19 oed / 19 oed neu'n hŷn ac ym mlwyddyn gyntaf eu prentisiaeth)
Mae gwybodaeth a chymorth ar gael i gyflogwyr er mwyn sicrhau eu bod yn talu eu gweithwyr yn gywir:
- ewch i’r canllaw i gyflogwyr ar-lein am wybodaeth ynglŷn â chyfrifo'r isafswm cyflog
- gwyliwch fideos a gweminarau wedi’u recordio gan CThEF
- edrychwch ar yr adran cyngor i gyflogwyr ar wefan Check Your Pay GOV.UK.
Dylech hefyd annog eich gweithwyr i wirio’u cyflog: Working over Christmas? ‘Check Your Pay’ - GOV.UK.