Mae'r Adran Gwaith a Phensiynau (DWP) yn cynnal digwyddiad ymgysylltu rhithwir wedi'i gynllunio'n benodol ar gyfer cyflogwyr bach a chanolig ledled Cymru.
Dyma'ch cyfle i helpu i lunio sut mae’r Adran Gwaith a Phensiynau a Chanolfan Byd Gwaith yn cefnogi eich anghenion recriwtio a gwella eu gwasanaethau i gyflogwyr.
Mae prif bynciau trafod yn cynnwys:
- Yr hyn sydd ei angen ar fusnesau bach a chanolig gan wasanaethau’r Ganolfan Byd Gwaith – yn bersonol, yn rhithwir, neu ar safle
- Sut y gall gwasanaethau digidol gefnogi recriwtio a datblygu'r gweithlu yn well
- Sut beth yw gwasanaeth recriwtio o ansawdd uchel i gyflogwyr
- Sut y gall yr Adran Gwaith a Phensiynau a’r Ganolfan Byd Gwaith wella cyfathrebu ac ymgysylltu â busnesau bach a chanolig
Cynhelir y digwyddiad rhithwir hwn ar 17 Gorffennaf 2025 rhwng 10yb a 12yp.
Os oes gennych ddiddordeb mewn mynd neu os hoffech chi ddysgu mwy, cofrestrwch eich diddordeb.