Mae Medr yn edrych i lunio rhaglen prentisiaethau newydd i Gymru. Maent yn ceisio barn gan randdeiliaid allweddol, darparwyr hyfforddiant, cynrychiolwyr y diwydiant, cyflogwyr, dysgwyr a rhieni i helpu i lunio cynnig sy’n canolbwyntio ar y dyfodol, sy’n gynhwysol ac yn ymatebol.
Mae Medr wedi ymrwymo i sicrhau bod y rhaglen brentisiaethau yn parhau i fodloni blaenoriaethau sgiliau Llywodraeth Cymru ac anghenion esblygol dysgwyr, cyflogwyr a’r economi ehangach, fel rhan o system addysg drydyddol hyblyg a chydgysylltiedig.
Bydd eich mewnwelediadau’n chwarae rhan hanfodol wrth lywio datblygiad rhaglen sy’n cynorthwyo dysgu o ansawdd uchel, cyflogaeth ystyrlon, a thwf economaidd hirdymor ledled Cymru.
Mae Medr yn eich gwahodd i rannu eich profiad, syniadau ac i gyfrannu i ddylunio system prentisiaethau ar y cyd, sy’n gweithio i bawb.
Dyddiad cau ar gyfer ymateb yw’r 31 Hydref 2025 a bydd Medr yn cynnal digwyddiadau ymgynghori isod:
- Digwyddiad ar-lein ar 24 Medi 2025: 10yb–12yp
- Digwyddiad wyneb yn wyneb ar 1 Hydref 2025: 9.30yb–1yp, Venue Cymru, Llandudno LL30 1BB
- Digwyddiad ar-lein ar 8 Hydref 2025: 10yb–12yp
- Digwyddiad wyneb yn wyneb ar 15 Hydref 2025: 9.30yb–1yp, Coleg Caerdydd a’r Fro, Campws Canol y Ddinas, Heol Dumballs, Caerdydd CF10 5FE
Am fwy o wybodaeth, dilynwch y ddolen hon: Medr/2025/17: Rhaglen Brentisiaethau yng Nghymru: Ymgynghoriad - Medr