Bydd Cynhadledd Busnes a Chaethwasiaeth Fodern proffil uchel y DU yn cael ei chynnal yng Nghymru am y tro cyntaf ar 9-10 Medi eleni. Bydd yn cael ei gynnal gan Grŵp Ymchwil Caethwasiaeth Fodern a Chynaliadwyedd Cymdeithasol Prifysgol Caerdydd, yn y Ganolfan Addysgu Ôl-raddedig, Ysgol Busnes Caerdydd.
Mae thema eleni, ‘Ar drywydd Dyneiddio’r Cadwyni Cyflenwi – Cymodi Pobl a Busnes’, yn pwysleisio ein cenhadaeth gyffredin i ailgysylltu arferion moesegol a dyngarol â gweithrediadau busnes, gan ymdrechu i gael dyfodol lle mae lles pobl yn hanfodol i lwyddiant busnes.
Bydd y Gynhadledd yn rhoi llwyfan hanfodol ar gyfer cymryd rhan mewn deialog ystyrlon, gan gyflwyno ymchwil flaengar, a thrin a thrafod atebion arloesol. Rydyn ni’n gwahodd cyfranogwyr o is-ddisgyblaethau busnes amrywiol a sectorau a meysydd cysylltiedig i gyfrannu at y drafodaeth hanfodol hon. Gyda’n gilydd, byddwn ni’n ystyried llwybrau newydd sy’n datgymalu systemau niweidiol, gan hyrwyddo arferion cynaliadwy sy’n canolbwyntio ar bobl ac sy’n cymodi anghenion pobl a busnes.
Bydd Dr Maryam Lotfi o Ysgol Busnes Caerdydd a Dr Anna Skeels o Barc Ymchwil Gwyddorau Cymdeithasol Prifysgol Caerdydd (SBARC), Cyd-gyfarwyddwyr y Grŵp Ymchwil i Gaethwasiaeth Fodern a Chynaliadwyedd Cymdeithasol, yn cyd-gadeirio’r gynhadledd.
Mae cofrestru bellach ar agor ar gyfer y Gynhadledd – cofrestrwch yma – a bydd yn cau ar 30 Mehefin 2025. Mae’r tîm yn edrych ymlaen at gael eich gweld chi yno.
Mae'r Gynhadledd Busnes a Chaethwasiaeth Modern ar wahân i gynhadledd Gwrthgaethwasiaeth Cymru 2025, a gynhelir ar 16 Hydref yng ngogledd Cymru ac ar-lein. Gweler y ddolen Digwyddiadur Busnes Cymru - Cynhadledd Gwrthgaethwasiaeth Cymru 2025 i gael rhagor o wybodaeth am gynhadledd Gwrthgaethwasiaeth Cymru 2025.