Hyd yn oed gyda chynnydd mewn newyddion sy’n gysylltiedig â chostau byw, rydym yn gwybod y gall fod yn anodd siarad am arian.
Bob blwyddyn mae Wythnos Siarad Arian, eleni rhwng 3 ac 7 Tachwedd, yn annog pobl i siarad yn agored am eu cyllid.
Mae’r wythnos yn gyfle i bawb gymryd rhan mewn digwyddiadau a gweithgareddau ar draws y DU sy’n helpu pobl i gael mwy o sgyrsiau agored am eu harian, o arian poced i bensiynau a pharhau â’r sgyrsiau hyn gydol y flwyddyn.
Gyda phwysau costau byw presennol, mae’n bwysicach nag erioed ein bod yn cael cefnogaeth i bryderon ariannol.
Mae ymchwil yn dangos bod pobl sy’n siarad am arian:
- yn gwneud penderfyniadau ariannol gwell â llai o risg
- yn mwynhau perthnasau personol cryfach
- yn helpu eu plant i ffurfio arferion arian da gydol oes
- yn teimlo llai o straen a phryder, a’u bod â mwy o reolaeth.
Mae meithrin sgyrsiau am arian yn ein bywydau bob dydd hefyd yn ein helpu i fagu hyder ariannol a gwytnwch i wynebu beth bynnag a ddaw ar ein traws yn y dyfodol.
Ta waeth beth yw eich sector neu faint eich sefydliad, defnyddiwch y canllawiau canlynol i’ch helpu i ddechrau sgyrsiau am arian: Wythnos Siarad Arian | Gwasanaeth Arian a Phensiynau (maps.org.uk).
Rydym yn gwybod bod costau cynyddol yn her fawr i fusnesau ledled Cymru ar hyn o bryd. Dyna pam rydyn ni'n gweithio gyda'n partneriaid i ddod â'r adnoddau a'r gefnogaeth ymarferol sydd eu hangen i addasu a llywio cost gynyddol gwneud busnes – i gyd mewn un lle: Cost Gwneud Busnes | Busnes Cymru.