Mae'r Gymdeithas Ryngwladol Rheoli Straen [ISMAUK] yn elusen gofrestredig ac yn brif gorff proffesiynol ar gyfer rheoli straen yn y gweithle ac yn bersonol, gan gefnogi iechyd meddwl, lles a pherfformiad da.
Bydd Wythnos Ryngwladol Ymwybyddiaeth o Straen yn digwydd yn ystod yr wythnos rhwng 3 a 7 Tachwedd 2025 a chynhelir y chweched Uwchgynhadledd Straen a Lles Ar-lein Byd-eang ar Ddiwrnod Ymwybyddiaeth o Straen, ddydd Mercher 5 Tachwedd 2025.
Y thema ar gyfer 2025 yw Optimeiddio Lles Gweithwyr trwy Reoli Straen yn Strategol. Mae rheoli straen yn strategol yn hanfodol ar gyfer gwella lles gweithwyr, ac mae'n rhaid iddo fod wedi'i seilio ar weithredoedd moesegol, sy'n seiliedig ar werthoedd. Mae arweinwyr yn chwarae rôl allweddol wrth osod y tôn, tra bod rheolwyr yn hanfodol wrth gydnabod a mynd i'r afael â straen yn y gweithle.
Cliciwch ar y ddolen ganlynol i gael rhagor o wybodaeth: Home | ISMA Stress Management Association.
P'un a ydych chi'n fusnes bach neu'n gorfforaeth fawr, mae'r gyfraith yn ei gwneud yn ofynnol i bob cyflogwr atal straen sy'n gysylltiedig â gwaith er mwyn cefnogi iechyd meddwl da yn y gweithle. I gael mwy o wybodaeth, cliciwch ar y ddolen ganlynol: Working Minds - Work Right.
Ydych chi'n siarad am iechyd meddwl yn y gweithle?
Mae’n bwysicach nag erioed i roi sylw i iechyd meddwl yn y gweithle. Nid yw straen yn broblem iechyd meddwl ond gall amlygiad hirdymor i straen na ellir ei reoli achosi problemau iechyd meddwl neu waethygu problemau sy’n bod eisoes: Wythnos Ymwybyddiaeth Iechyd Meddwl | Busnes Cymru