Pan fyddwch chi'n gweld bargen Dydd Gwener y Gwario Gwirion gwych, mae'n demtasiwn clicio prynu nawr, cyn iddo werthu allan, a meddwl yn nes ymlaen.
Mae sgamwyr yn gwybod hyn a byddant yn chwilio am ddioddefwyr newydd yn ystod gwerthiannau Dydd Gwener y Gwario Gwirion. Cynhelir Dydd Gwener y Gwario Gwirion ar 27 Tachwedd.
Er bod llawer o ostyngiadau dilys ar gael yn ystod Dydd Gwener y Gwario Gwirion gwych, mae twyllwyr yn defnyddio'r gwerthiannau fel cyfle i dwyllo pobl sy'n rhuthro i fachu bargen.
Dyma rai o'r sgamiau mwyaf cyffredin i edrych allan amdanynt:
- gwefannau siopa ffug
- negeseuon e-bost
- negeseuon testun
- hysbysebion cyfryngau Cymdeithasol
- cyfrifon manwerthwr ffug
- ceisiadau talu neu ddilysu cyfrif ffug
- negeseuon dosbarthu ffug
Mae rhai arwyddion rhybudd i edrych allan amdanynt:
- URL anghyfarwydd neu amheus
- Gwybodaeth am fanwerthwr ar goll neu anghyflawn
- Prisiau sy'n ymddangos yn anarferol o isel
- Cynnwys gwefan o ansawdd gwael neu wedi’i gopïo
- Ceisiadau talu anarferol
- Pwysau i dalu’n gyflym
Fel arfer mae'n ddiogel siopa ar-lein yn ystod gwerthiannau Dydd Gwener y Gwario Gwirion. Bydd llawer o fanwerthwyr dilys yn cynnig codau disgownt ac ostyngiadau drwy gydol mis Tachwedd.
Fodd bynnag, bydd sgamwyr yn defnyddio hyn fel cyfle i geisio gwneud arian. Gwiriwch bob amser eich bod ar y wefan gywir ac osgoi clicio dolenni mewn negeseuon neu ar hysbysebion os gallwch.
Darllenwch y post blog ar wefan HelpwrArian: Sgamiau Dydd Gwener y Gwario Gwirion: sut i siopa’n ddiogel | HelpwrArian
Gall ymosodiadau amharu ar weithrediadau, peryglu data sensitif, a niweidio enw da. Darllenwch dudalen Cyngor a Chymorth Seiberddiogelwch Busnes Cymru i ddarganfod sut I amddiffyn eich busnes rhag ymosodiad seibr.