Mae credydau treth yn helpu teuluoedd sy'n gweithio gyda chymorth ariannol targedig, felly mae'n bwysig bod cwsmeriaid yn gweithredu nawr i adnewyddu cyn y dyddiad cau sy'n agosáu'n gyflym, sef 31 Gorffennaf 2023, er mwyn sicrhau nad yw eu taliadau'n dod i ben.
Mae CThEF yn annog mwy o gwsmeriaid i ddefnyddio ap CThEF gan ei fod yn ffordd gyflym a hawdd o gyflawni'r gwaith hanfodol hwn.
Mae'n rhad ac am ddim ac yn syml i'w ddefnyddio ac mae'n caniatáu mynediad uniongyrchol i gredydau treth trwy bwyso botwm. Mae llawer o fanteision i'r ap cwbl ddiogel, y gellir ei ddefnyddio ar unrhyw ffôn clyfar neu lechen, ar unrhyw adeg, gan ddileu'r angen i ffonio CThEF a helpu cwsmeriaid i arbed amser ac arian.
Gall cwsmeriaid sy'n defnyddio ap CThEF:
- adnewyddu eu credydau treth
- gwneud newidiadau i'w cais
- gwirio eu hamserlen taliadau credydau treth, a
- darganfod faint maen nhw wedi'i ennill am y flwyddyn
Mae CThEM wedi rhyddhau fideo i esbonio sut gall cwsmeriaid credydau treth ddefnyddio ap CThEF i weld, rheoli a diweddaru eu manylion.
Gall cwsmeriaid hefyd adnewyddu ei credydau treth a rheoli eu hawliadau ar-lein ar GOV.UK. Gall cwsmeriaid fewngofnodi i GOV.UK i wirio cynnydd eu hadnewyddiad, cael eu sicrhau ei fod yn cael ei brosesu a gwybod pryd y byddant yn clywed yn ôl gan CThEF.
Mwy o wybodaeth
Gall cwsmeriaid lawrlwytho ap CThEF am ddim o siop apiau ffôn clyfar.
Darganfyddwch fwy am Credydau Cynhwysol yn disodli credydau treth.