Gydag 1 o bob 7 cartref a busnes yng Nghymru mewn perygl o lifogydd, a chyda'r argyfwng hinsawdd yn dod â thywydd mwy eithafol, mae'n bwysicach nag erioed bod pobl yn gwybod ac yn deall eu perygl o lifogydd.
Gwna yr hyn y gallwch chi nawr i baratoi ar gyfer llifogydd. Cymerwch olwg ar yr wybodaeth isod sy’n rhoi cyngor a gwybodaeth i’ch helpu.
Mae Cyfoeth Naturiol Cymru wedi diweddaru'r canllawiau ar sut i baratoi ar gyfer llifogydd. Cliciwch ar y ddolen ganlynol i gael rhagor o wybodaeth Cyfoeth Naturiol Cymru / Llifogydd.
Gwiriwch eich Opsiynau o ran Yswiriant Busnes
- Cysylltwch â Chynllun Masnachol BIBA i gael yswiriant llifogydd fforddiadwy, a dod o hyd i froceriaid sy’n arbenigo mewn yswiriant risg llifogydd ar gyfer BBaCh.
- Os ydych yn cael anhawster dod o hyd i yswiriant addas, gall busnesau geisio cyngor gan Gymdeithas Froceriaid Yswiriant Prydain (BIBA).
Ystyriwch osod Mesurau Gwydnwch i Eiddo yn erbyn Llifogydd (PFR)
Mae yswirwyr yn annog busnesau i gymryd camau i leihau perygl difrod yn sgil llifogydd drwy ddefnyddio mesurau PFR gan gynnwys:
- Rhwystrau llifogydd
- Systemau trydanol wedi’u codi
- Deunyddiau gwrth-ddŵr
I sicrhau bod y mesurau hyn yn gweithio’n iawn, mae’n bwysig defnyddio cynhyrchion ardystiedig a gosodwyr cymwys. Gall hyn helpu i ostwng premiymau a’i gwneud hi’n haws i chi gael yswiriant.
Ceisiwch Gymorth Ariannol
Gall Canfyddwr Cyllid Busnes Cymru wirio a oes unrhyw grantiau, benthyciadau neu arian arall ar gael ar hyn o bryd i wella gwydnwch yn erbyn llifogydd yng Nghymru.
Mae Banc Datblygu Cymru yn cynnig benthyciadauar gyfer gwella gwrthiant llifogydd.
Cael Cyngor a Cymorth i Adfer
Mae Busnes Cymru ar gael i roi cyngor busnes a gwybodaeth ymarferol i helpu busnesau i reoli’r tarfu sy’n cael ei achosi gan stormydd neu eu cyfeirio at yr asiantaethau a’r sefydliadau perthnasol.
Cysylltwch â Llinell Gymorth Busnes Cymru: 03000 6 03000, rydym yn croesawu galwadau'n Gymraeg, neu defnyddiwch y ffurflen cysylltu â ni. Gall cynghorwyr Busnes Cymru helpu gyda’r canlynol:
- Cynllunio adferiad
- Cyngor o ran llif arian a hylifedd
- Dod o hyd i eiddo masnachu dros dro
- Cyngor ar gadw staff neu ddiswyddiadau
Gallwch hefyd ddarllen yr wybodaeth ganlynol os yw llifogydd wedi effeithio ar eich busnes Beth i’w wneud os yw eich busnes wedi’i daro gan ddŵr llifogydd?