Mae Innovate UK, rhan o UK Research and Innovation (UKRI), yn cynnig hyd at 60 o Wobrau Menywod sy’n Arloesi i fenywod sy'n sylfaenwyr a chyd-sylfaenwyr busnesau micro, bach neu ganolig (BBaChau) ledled y DU. Mae hyn yn amodol ar dderbyn nifer ddigonol o geisiadau o ansawdd uchel.
Bydd prosiectau llwyddiannus yn derbyn hyd at £75,000 o gyllid grant a chymorth busnes pwrpasol am 12 mis.
Bydd cyfran o ymgeiswyr sydd wedi cael canmoliaeth uchel nad ydynt wedi cael cyllid grant yn y gystadleuaeth hon yn cael cynnig cymorth busnes pwrpasol am 12 mis.
Nodau'r gystadleuaeth hon yw cefnogi enillwyr Gwobrau Menywod sy’n Arloesi:
- y mae eu harloesi yn cyd-fynd ag un o'r tri sector twf uchel canlynol a ddiffinnir yn Strategaeth Ddiwydiannol Llywodraeth y DU; Gweithgynhyrchu Uwch, Technolegau Digidol a Gwyddorau Bywyd
- sydd â busnes newydd sydd wedi’i sefydlu gyda uchelgeisiau i dyfu busnes a allai ehangu’n gyflym a fydd yn cynnwys codi buddsoddiad sylweddol yn ystod y 12 i 24 mis nesaf
Mae'r gystadleuaeth yn cau: ddydd Mercher 4 Chwefror 2026 am 11am.
Am ragor o wybodaeth cliciwch ar y ddolen hon: Competition overview - Women in Innovation Awards 2025/26 - Innovation Funding Service.
Gall arloesi helpu eich busnes i fod yn fwy cystadleuol, cynyddu gwerthiant a chyrraedd marchnadoedd newydd. Yma gallwch ddarganfod pa gymorth a chyllid sydd ar gael i'ch helpu i arloesi: Cymorth ac arian | Busnes Cymru.