Ydych chi'n rhedeg busnes yn y DU sy'n gweithio ar dechnoleg arloesol? Ydych chi'n chwilio am gyngor diogelwch y mae modd ei weithredu sy'n diogelu eich buddsoddiad mewn arloesedd ac yn rhoi llwyfan i chi ar gyfer twf? Yna ystyriwch Adolygiad Diogelwch Arloesi Diogel.
Gall y cynllun hwn gan Lywodraeth y DU, a gyflwynir trwy Innovate UK, helpu busnesau fel eich un chi i nodi a rheoli risgiau diogelwch allweddol ac integreiddio diogelwch amddiffynnol yn eich strategaeth fusnes ehangach. Mae Llywodraeth y DU yn rhoi grant o £2,500 ac mae eich busnes yn cyfrannu £500.
Bydd Adolygydd Diogelwch cymeradwy yn asesu dull diogelwch presennol eich busnes ac yn rhoi arweiniad arbenigol ar fesurau diogelwch doeth a sut y gallwch wneud diogelwch yn alluogwr strategol ar gyfer twf yn eich busnes, trwy wella hyder buddsoddwyr a chwsmeriaid.
Os ydych chi'n ymrwymo i ymchwil a datblygu neu bartneriaethau masnachol, yn ceisio diogelu eiddo deallusol neu galedu eich systemau a'ch cyfleusterau rhag ymyrraeth, yna ystyriwch wneud cais i leihau eich amlygiad i risg diogelwch a gwneud y mwyaf o'ch cyfleoedd i ffynnu.
Y dyddiad cau ar gyfer ceisiadau yw 31 Ionawr 2026.
Am ragor o wybodaeth cliciwch ar y ddolen hon: Secure Innovation Security Reviews - Innovate UK Business Connect.
Mae cefnogaeth hefyd ar gael yng Nghymru trwy:
- Mae gan Hyb Arloesedd Seiber atebion hyfforddi wedi'u teilwra sy'n diwallu eich anghenion seiber penodol ac yn cynnig cyfle i uwchsgilio eich tîm gyda'r datblygiadau diweddaraf mewn seibergdiogelwch: Uwchsgilio eich Tîm - Cyber Innovation Hub
- Mae gan y Ganolfan Seibergadernid yng Nghymru ystod o ganllawiau i'ch gwneud yn fwy seibergadarn: Canolfan Seibergadernid yng Nghymru