Mae Cyllid a Thollau EF (CThEF) yn annog teuluoedd sy’n gweithio i gofrestru ar gyfer Gofal Plant sy’n Rhydd o Dreth er mwyn arbed arian ar eu costau gofal plant.
Mae’r cynllun Gofal Plant sy’n Rhydd o Dreth yn helpu teuluoedd sy’n gweithio gyda’u costau gofal plant, gan arbed hyd at £2,000 y flwyddyn iddynt ar gyfer pob plentyn hyd at 11 oed, neu £4,000 y flwyddyn hyd at 16 oed os yw’n blentyn anabl.
Gall teuluoedd fod yn gymwys i gael Gofal Plant sy’n Rhydd o Dreth os yw’r canlynol yn berthnasol:
- mae ganddyn nhw blentyn neu blant 11 oed neu iau. Maen nhw’n stopio bod yn gymwys ar 1 Medi ar ôl pen-blwydd y plentyn yn 11 oed. Os oes ganddynt blentyn anabl, maen nhw’n cael hyd at £4,000 y flwyddyn tan 1 Medi ar ôl pen-blwydd y plentyn yn 16 oed
- mae’r rhiant a’i bartner (os oes un ganddo) yn ennill, neu’n disgwyl ennill, o leiaf yr Isafswm Cyflog Cenedlaethol neu’r Cyflog Byw Cenedlaethol am 16 awr yr wythnos ar gyfartaledd
- nid ydyn nhw’n ennill dros £100,000 y flwyddyn yr un
- nid ydyn nhw’n cael Credyd Cynhwysol na thalebau gofal plant
Mae rhagor o wybodaeth am gymhwystra llawn i’w chael ar GOV.UK.
I ddarganfod a allwch gael help i dalu am ofal plant yng Nghymru, dewiswch y ddolen ganlynol: Cael help i dalu am ofal plant | LLYW.CYMRU.