Os ydych chi'n cael incwm o hunangyflogaeth a/neu eiddo, bydd angen i chi ddefnyddio Troi Treth yn Ddigidol (MTD) yn gyfreithiol ar gyfer Treth Incwm o'r dyddiadau canlynol:
- 6 Ebrill 2026, os yw eich trosiant dros £50,000 yn y flwyddyn dreth 2024 i 2025
- 6 Ebrill 2027, os yw eich trosiant dros £30,000 yn y flwyddyn dreth 2025 i 2026
- 6 Ebrill 2028, os yw eich trosiant dros £20,000 yn y flwyddyn dreth 2026 i 2027
Bydd y gweminarau canlynol yn eich helpu i ddeall y camau angenrheidiol y bydd angen i landlordiaid, cydberchnogion eiddo a busnesau eu cymryd i baratoi ar gyfer Troi Treth yn Ddigidol:
- ar gyfer busnesau, cofrestrwch ar gyfer ein gweminar ''How to get ready for MTD if you are a business'
- os ydych chi'n derbyn incwm o eiddo, cofrestrwch ar gyfer ein gweminar 'Get ready for Making Tax Digital – landlords and joint property owners'
Os ydych chi'n unig fasnachwr neu'n landlord heb gyfrifydd neu geidwad cyfrifon, cofrestrwch ar gyfer y weminar hon i gael yr wybodaeth ddiweddaraf am Droi Treth yn Ddigidol, i'ch helpu i baratoi ar gyfer Troi Treth yn Ddigidol ar gyfer Treth Incwm, sydd bellach yn ofyniad cyfreithiol o 6 Ebrill 2026, i'r rhai sydd â throsiant dros £50,000.
Byddwch hefyd yn dod o hyd i fideos byr defnyddiol, gan gynnwys 'How do I sign up for Making Tax Digital for Income Tax' – sydd ar gael ar sianel YouTube CThEF.