Mae’r tymheredd yn uchel ar draws y wlad, ac mae’n rhaid i gyflogwyr sicrhau eu bod yn diogelu eu gweithwyr yn ystod tywydd poeth.
Nid oes cyfraith sy’n pennu uchafswm tymheredd wrth weithio, nac i ddweud pryd y bydd hi’n rhy boeth i weithio, a hynny oherwydd bod pob gweithle yn wahanol.
Mae gan wefan yr Awdurdod Gweithredol Iechyd a Diogelwch (HSE) ganllaw ymarferol ar dymheredd yn y gweithle.
Mae’n cynnwys canllawiau ar y canlynol:
- beth mae'r gyfraith yn ei ddweud
- rheoli tymheredd y gweithle
- atal straen gwres
- amddiffyn y rhai sy'n gweithio y tu allan
Mae’r Awdurdod hefyd yn darparu rhestr wirio ar gyfer tymheredd y gweithle i'ch helpu i gynnal asesiad risg sylfaenol.
Darllenwch holl ganllawiau tymheredd yr Awdurdod ar eu gwefan.