Mae Cymru Iach ar Waith wedi comisiynu RCS i archwilio iechyd a llesiant pobl ifanc 16 i 24 oed yn y gweithle, gan roi ffocws ar iechyd meddwl.
Am fod straen sy’n gysylltiedig â’r gwaith yn effeithio fwyfwy ar weithwyr ifanc, bydd y prosiect hwn yn casglu mewnwelediadau gan weithwyr ifanc a chyflogwyr ledled Cymru i ddeall yr heriau allweddol a nodi pa gefnogaeth sy’n gweithio orau.
Bydd y canfyddiadau’n helpu i ddatblygu canllawiau ac adnoddau ymarferol i wella llesiant yn y gweithle a chefnogi pobl ifanc i adeiladu gyrfaoedd cynaliadwy.
Pwy all gymryd rhan?
- Pobl ifanc a phrentisiaid sy’n barod i rannu eu profiadau
- Cyflogwyr a rheolwyr sy’n ceisio deall anghenion pobl ifanc yn well
- Gweithwyr proffesiynol AD, arweinwyr llesiant, mentoriaid neu unrhyw un sydd â mewnwelediad perthnasol
Byddem yn ddiolchgar pe gallech rannu’r cyfle hwn gyda gweithwyr ifanc, prentisiaid, cydweithwyr, neu unigolion eraill sydd â diddordeb yn llesiant pobl ifanc yn y gwaith.
Dyddiadau’r gweithdai
- Dydd Gwener 6 Mawrth, Ar-lein, 1pm i 2pm (Saesneg yn unig)
- Dydd Mawrth 10 Mawrth, Ar-lein, 1pm i 2pm (Saesneg yn unig)
- Dydd Mawrth 17 Mawrth, Ar-lein, 1pm i 2pm (Saesneg yn unig)
- Dydd Mawrth 24 Mawrth, Prifysgol Bangor, 1pm i 2pm (Saesneg yn unig)
- Nos Fercher 25 Mawrth, Ar-lein, 6.30pm i 7.30pm (Saesneg yn unig)
Ydych chi'n siarad am iechyd meddwl yn y gwaith?
Mae’n bwysicach nag erioed i roi sylw i iechyd meddwl yn y gweithle. Nid yw straen yn broblem iechyd meddwl ond gall amlygiad hirdymor i straen na ellir ei reoli achosi problemau iechyd meddwl neu waethygu problemau sy’n bod eisoes: Wythnos Ymwybyddiaeth Iechyd Meddwl | Busnes Cymru.