Mae Llywodraeth Cymru wedi ailddatgan ei hymrwymiad i gefnogi entrepreneuriaid benywaidd fel sbardun allweddol twf economaidd yn ystod dathliadau i nodi Diwrnod Rhyngwladol y Menywod.
Gwnaeth Ysgrifennydd y Cabinet dros yr Economi, Ynni a Chynllunio, Rebecca Evans, yr addewid wrth ymweld â Deploy Tech, cwmni gweithgynhyrchu arloesol o Gymru a sefydlwyd ar y cyd gan yr entrepreneur benywaidd arobryn, Beren Kayali.
Gwnaeth y cwmni o Bontyclun, sy'n cynhyrchu tanciau storio dŵr cludadwy arloesol a ddefnyddir i amddiffyn seilwaith critigol/wrthsefyll yr hinsawdd, amddiffyn a chymorth mewn trychinebau, ddangos arloesedd a llwyddiant busnesau sy'n cael eu harwain gan fenywod yng Nghymru.
Mae wedi derbyn cefnogaeth drwy Raglen Cyflymu Twf Busnes Cymru i ehangu i farchnadoedd rhyngwladol, gan gynnwys India ac Ewrop.
Yn dilyn yr ymweliad, ymunodd Beren Kayali ac arweinwyr busnes benywaidd llwyddiannus ac arloesol eraill o bob rhan o Gymru ar gyfer bwrdd crwn a gynhaliwyd gan Ysgrifennydd yr Economi.
Daeth y digwyddiad ag entrepreneuriaid ynghyd sydd wedi elwa o gymorth Llywodraeth Cymru drwy Busnes Cymru, Busnes Cymdeithasol Cymru a Cymru Greadigol i drafod blaenoriaethau gan gynnwys datblygu sgiliau a chyfleoedd buddsoddi.
Am fwy o wybodaeth, dilynwch y ddolen ganlynol: