Mae Ffurflenni Treth yn newid – trwy ffordd newydd o gofnodi ac adrodd am eich incwm a’ch treuliau. Yr enw ar hyn yw ‘Troi Treth yn Ddigidol ar gyfer Treth Incwm’.
Bydd angen i chi gofrestru ar gyfer y cynllun Troi Treth yn Ddigidol ar gyfer Treth Incwm os yw’r canlynol i gyd yn berthnasol:
- rydych yn unig fasnachwr neu’n landlord sydd wedi’i gofrestru ar gyfer Hunanasesiad
- rydych yn cael incwm o hunangyflogaeth neu eiddo, neu’r ddau
- mae’ch incwm cymhwysol yn fwy na £20,000 — darllenwch ragor am beth yw incwm cymhwysol a beth sydd wedi’i gynnwys
Mae pryd y mae angen i chi ddechrau defnyddio’r cynllun Troi Treth yn Ddigidol ar gyfer Treth Incwm yn dibynnu ar eich incwm cymhwysol o fewn blwyddyn dreth. Os yw’ch incwm cymhwysol dros y terfynau canlynol:
- £50,000 ar gyfer blwyddyn dreth 2024 i 2025, bydd angen i chi ei ddefnyddio o 6 Ebrill 2026 ymlaen
- £30,000 ar gyfer blwyddyn dreth 2025 i 2026, bydd angen i chi ei ddefnyddio o 6 Ebrill 2027 ymlaen
- £20,000 ar gyfer blwyddyn dreth 2026 i 2027, mae’r Llywodraeth wedi nodi cynlluniau i’w gyflwyno deddfwriaeth i ostwng y trothwy incwm cymhwysol (yn agor tudalen Saesneg)
Bydd angen i bartneriaethau busnes hefyd ddefnyddio’r cynllun Troi Treth yn Ddigidol ar gyfer Treth Incwm yn y dyfodol.
Am ragor o wybodaeth cliciwch ar y ddolen hon: Dysgwch a oes angen i chi ddechrau defnyddio’r cynllun Troi Treth yn Ddigidol ar gyfer Treth Incwm a phryd y dylech wneud hynny - GOV.UK.