Ar 3 Gorffennaf bydd hi’n Ddiwrnod Rhyngwladol Dim Bagiau Plastig, a’r nod yw gwella ymwybyddiaeth pobl o effeithiau niweidiol bagiau plastig untro ar yr amgylchedd. Mae'r ymgyrch yn annog pobl, busnesau a llywodraethau i ddewis opsiynau amgen ac ecogyfeillgar er mwyn lleihau llygredd plastig:
Ar 30 Hydref 2023, cyflwynodd Llywodraeth Cymru Gam 1 o Ddeddf Diogelu'r Amgylchedd (Cynhyrchion Plastig Untro) (Cymru) 2023, deddf sydd â’r nod o fynd i'r afael â llygredd plastig a chyflawni ein hymrwymiad i atal y defnydd o gynhyrchion plastig untro sy’n aml yn cael eu taflu fel sbwriel. Y bwriad yw cyflwyno Cam 2 erbyn Gwanwyn 2026, a bydd yn cynnwys gwaharddiadau ar:
- Fagiau siopa – gydag eithriadau ar gyfer cig, dofednod neu bysgod amrwd a bwyd sydd heb ei becynnu
- Caeadau polystyrene ar gyfer cwpanau a chynwysyddion bwyd tecawê
- Cynnyrch plastig ocso-ddiraddadwy.
Er mwyn dod i ddeall sut mae'r ddeddf yn gweithio a sut y gallai effeithio arnoch chi, mae Gweinidogion Cymru wedi cyhoeddi canllawiau statudol.
Cliciwch ar y ddolen ganlynol i gael rhagor o wybodaeth: Deddf Diogelu'r Amgylchedd (Cynhyrchion Plastig Untro) (Cymru) 2023 | LLYW.CYMRU
Mae’r Addewid Twf Gwyrdd yn helpu busnesau Cymru i gymryd camau gweithredol tuag at wella eu cynaliadwyedd. Drwy lofnodi’r Addewid Twf Gwyrdd, mae gofyn i’ch busnes ymrwymo i o leiaf un weithred gadarnhaol a fydd yn helpu i leihau eich ôl troed carbon a’ch effaith ar yr amgylchedd drwy sicrhau perfformiad chynaliadwy.