Mae Llywodraeth Cymru yn ceisio barn ar Ddatganiad Polisi Caffael drafft Cymru (DPCC) a'r asesiad effaith integredig drafft (IIA).
Mae’r ymgynghoriad hwn yn gyfle pwysig i fusnesau gyflwyno sylwadau ar y cyfeiriad strategol ar gyfer caffael cyhoeddus yng Nghymru. Mae caffael cyhoeddus yng Nghymru yn cyfrif am fwy nag £11 biliwn o wariant bob blwyddyn ac yn chwarae rôl bwysig o ran cyflawni canlyniadau economaidd, cymdeithasol, amgylcheddol a diwylliannol ehangach. Mae'r DPCC drafft yn ceisio sicrhau bod caffael cyhoeddus yn cefnogi blaenoriaethau Llywodraeth Cymru, gan gynnwys y rhai a nodir yn y Rhaglen Lywodraethu, gan helpu i gynyddu hyd yr eithaf ar y gwerth a gynhyrchir drwy wariant cyhoeddus yng Nghymru.
Mae'r ymgynghoriad hwn yn ceisio barn, nid yn unig ar y flaenoriaeth arfaethedig, ond hefyd ar y canlyniadau bwriadedig, yr ysgogiadau caffael a'r fframwaith cyflawni a nodir yn y DPCC drafft. Mae Llywodraeth Cymru eisiau gwybod a yw'r cynigion hyn yn glir, yn ymarferol ac yn gallu darparu mwy o werth i Gymru.
Os hoffech gyfrannu at yr ymgynghoriad, dylid cyflwyno eich ymateb drwy lenwi’r ffurflen ar-lein. Y dyddiad cau ar gyfer cyflwyno ymatebion yw 23:45 ar 28 Ionawr 2027.