Mae busnesau Prydeinig ledled wlad wedi cael mynediad at gymorth newydd trwy gynnydd gwerth biliynau o bunnoedd mewn cyllid a gefnogir gan lywodraeth y DU wrth i'r byd fynd i mewn i gyfnod newydd o fasnach fyd-eang.
Bydd y pecyn newydd yn rhoi'r pŵer i UK Export Finance (UKEF) ehangu'r cymorth ariannol i fusnesau ym Mhrydain o £20 biliwn, gyda busnesau bach hefyd yn gallu cael mynediad at fenthyciadau o hyd at £2 miliwn trwy Gynllun Gwarant Twf Banc Busnes Prydain.
Bydd UKEF hefyd yn cynnig gwarantau benthyciadau rhannol i fusnesau trwy ddefnydd mwy hyblyg o'i Warant Datblygu Allforio, gan helpu i liniaru effaith tariffau newydd ac ansicrwydd economaidd cysylltiedig. O'r £80 biliwn, bydd hyd at £10 biliwn yn cael ei ddyrannu i sicrhau bod gan fusnesau yr effeithir arnynt yn sylweddol yn y tymor byr gan y sefyllfa bresennol fynediad at y cyllid sydd ei angen arnynt i dyfu.
Bydd Banc Busnes Prydain hefyd yn ehangu ei Gynllun Gwarant Twf o £500 miliwn, a fydd yn rhoi cyllid hanfodol i fusnesau llai wrth iddynt geisio buddsoddi a thyfu. Mae'r cynllun hwn yn rhoi gwarant o 70% gan y llywodraeth i'r benthyciwr yn erbyn benthyciadau neu fathau eraill o gyllid, gan alluogi benthycwyr i gefnogi busnesau llai a fyddai'n cael trafferth cael cyllid trwy ddulliau traddodiadol – ac mae hyd yn hyn wedi galluogi mwy na £2.1 biliwn o fenthyca.
Am ragor o wybodaeth dewiswch y dolenni canlynol:
- Government steps in to back British business in changing world - GOV.UK
- Export Development Guarantee - UK Export Finance
- Growth Guarantee Scheme (GGS) | British Business Bank
Cymerwch olwg ar ein Hwb Allforio lle gallwch ddod o hyd i ragor o wybodaeth am Dariffau.