Nod Cynllun Cystadleurwydd Diwydiannol Prydain (BICS) yw lleihau costau trydan ar gyfer diwydiannau gweithgynhyrchu blaengar o fewn sectorau twf y Strategaeth Ddiwydiannol (yr IS-8), a diwydiannau gweithgynhyrchu sylfaenol sy'n darparu mewnbynnau allweddol i'r diwydiannau blaengar, sy'n bodloni'r trothwy dwyster trydan perthnasol.
Bydd busnesau cymwys yn cael eu heithrio rhag talu costau anuniongyrchol y Rhwymedigaeth Ynni Adnewyddadwy a'r Tariffau Bwydo i Mewn o fis Ebrill 2027 a'r Farchnad Gapasiti o fis Hydref 2027.
Mae'r ymgynghoriad hwn yn ceisio barn ar y newidiadau rheoleiddiol arfaethedig sy'n cael eu gwneud i roi effaith i BICS a sut mae Llywodraeth y DU yn cynnig cyflawni'r cynllun.
Mae'r ymgynghoriad yn cau am 11:59pm ar 14 Mai 2026.
I gael rhagor o wybodaeth, gallwch gofrestru ar gyfer y gweminarau BICS canlynol ar gyfer:
- Cyflenwyr, 30 Ebrill 2026 – Gweminar a fydd yn canolbwyntio ar y newidiadau rheoleiddiol arfaethedig a'r trefniadau cyflawni. I archebu eich lle, dewiswch y ddolen ganlynol: Microsoft Virtual Events Powered by Teams.
- Busnesau, 12 Mai 2026 – Diweddariad ar y datblygiadau a'r amserlenni diweddaraf ar gyfer y BICS. I archebu eich lle, dewiswch y ddolen ganlynol: Microsoft Virtual Events Powered by Teams.