Bydd Cynllun ar gyfer Cymdogaethau Llywodraeth y DU yn grymuso pobl leol i adennill rheolaeth o'u dyfodol gyda chronfa gyllido hyblyg hirdymor o hyd at £20 miliwn o gyllid a chefnogaeth dros y 10 mlynedd nesaf.
Mae 75 o leoedd ledled Cymru, Lloegr, yr Alban a Gogledd Iwerddon wedi cael eu dewis i dderbyn cyllid drwy'r Cynllun ar gyfer Cymdogaethau.
Yng Nghymru, Y Barri, Wrecsam, Y Rhyl, Cwmbrân a Merthyr Tudful bydd yn derbyn yr arian.
Yn ei hanfod, mae'r Cynllun ar gyfer Cymdogaethau yn bartneriaeth rhwng y Bwrdd Cymdogaeth a llywodraeth leol, gyda chefnogaeth Llywodraeth y DU. Bydd y bartneriaeth hon yn ysgogi twf drwy wella seilwaith materol a chymdeithasol eu cymuned ac yn sicrhau gwelliannau pendant i fywydau bob dydd y cymunedau hyn.
Mae'r bwrdd, gan weithio gyda'r awdurdod lleol, yn gyfrifol am gynhyrchu Cynllun Adfywio 10 mlynedd ar gyfer eu hardal, gan nodi'r gweithgareddau yr ymgymerir â hwy i gyflawni 3 amcan strategol y rhaglen hon:
- lleoedd llewyrchus
- cymunedau cryfach
- adennill rheolaeth
Dyddiadau pwysig:
- 22 Ebrill 2025: Byrddau Cymdogaeth yn cadarnhau aelodaeth derfynol ac unrhyw gynigion i newid ffiniau eu lleoedd.
- Gwanwyn 2025 - Gaeaf 2025: Byrddau Cymdogaeth yn cyflwyno eu Cynllun Adfywio i'r Weinyddiaeth Tai, Cymunedau a Llywodraeth Leol i'w asesu a'i gymeradwyo.
- O fis Ebrill 2026: Rhyddhau cyllid cyflawni rhaglenni i awdurdodau lleol, a'r cyfnod cyflawni yn dechrau.
Am fwy o wybodaeth, dilynwch y ddolen ganlynol: Plan for Neighbourhoods: prospectus - GOV.UK