Bydd dros 600 o fusnesau lletygarwch bach a chanolig yn cael asesiadau lleihau ynni a charbon am ddim i leihau costau ynni, cefnogi cynhyrchiant a hybu twf fel rhan o dreial 12 mis, wedi'i ariannu'n llawn gan yr Adran Diogelwch Ynni a Sero Net (DESNZ).
Mae disgwyl i’r treial, sydd wedi'i ariannu gan y llywodraeth a'i ddarparu gan Zero Carbon Services, un o brif gynghorwyr sero net y DU ar gyfer y sector lletygarwch, arbed dros £3 miliwn i fusnesau.
Bydd y cynllun yn cefnogi busnesau i wneud newidiadau cost-effeithiol fel trwsio bylchau o ran inswleiddio, uwchraddio i oleuadau ynni isel neu addasu gosodiadau gwresogi a fydd yn creu arbedion sylweddol dros y flwyddyn.
Bydd treial Lletygarwch Zero Carbon Services yn helpu busnesau lletygarwch trwy roi perchnogion busnesau mewn cysylltiad uniongyrchol ag arbenigedd cynghorwyr ynni a chynaliadwyedd dibynadwy.
Am fwy o wybodaeth, dewiswch y ddolen ganlynol Britain’s hospitality sector to save £3 million under new scheme - GOV.UK a Zero Carbon Company
Mae’r Addewid Twf Gwyrdd yn helpu busnesau Cymru i gymryd camau gweithredol tuag at wella eu cynaliadwyedd, gan ddangos yr effaith gadarnhaol maent yn ei chael ar bobl a lleoedd o’u cwmpas. Cofrestrwch heddiw: Addewid Twf Gwyrdd | Busnes Cymru (llyw.cymru)