Gall ffermwyr a thyfwyr sy'n wynebu cyfnod arall o dywydd sych gael mynediad at gymorth ymarferol sydd ar gael i'w helpu i ymdopi.
Mae amaethyddiaeth yn agored iawn i niwed mewn tonnau gwres ac amodau sych, sy'n gallu lleihau cynnyrch cnydau, niweidio glaswelltiroedd, bygwth lles da byw a rhoi pwysau cynyddol ar adnoddau dŵr.
Er bod amodau heddiw yn anodd, mae ymchwil yn dangos y bydd cenedlaethau'r dyfodol yn ffermio mewn amodau llawer mwy heriol oherwydd newid hinsawdd, sy'n golygu fod addasu'n gynnar yn hanfodol.
Mae'r grant Cyfalaf Cynhyrchu ac Effeithlonrwydd bellach ar agor, a gall ffermwyr wneud cais am gyllid tuag at fesurau addasu i'r hinsawdd fel tyllau turio, offer cynaeafu dŵr, a systemau awyru gan gynnwys ffaniau ar gyfer siediau gwartheg.
Anogir ffermwyr sydd wedi ymuno â'r Cynllun Ffermio Cynaliadwy (SFS) neu sy'n cyflawni contractau cynlluniau paratoi, a allai fod yn cael trafferth bodloni'r gofynion oherwydd y tywydd, i wneud cais am randdirymiad dros dro trwy eu cyfrif ar-lein RPW, gan gynnwys tystiolaeth ffotograffig sy'n dangos cyflwr y cnwd. O ystyried yr amodau eithriadol eleni, bydd ceisiadau yn cael eu hystyried yn ffafriol a bydd atebion yn cael eu rhoi yn ddi-oed.
Am ragor o wybodaeth cliciwch ar y ddolen hon: Cymorth ar gael i ffermwyr wrth i'r tywydd sych barhau | LLYW.CYMRU.